حسن المستكاوي لـ رامي عباس: ماينفعش تبقى وكيل لاعب كبير وتعليقاتك ساخرة
![](https://media.besraha.com/2023/8/large/3/2/423.jpg)
علق الناقد الرياضي الكبير حسن المستكاوي، على تعليقات رامي عباس وكيل محمد صلاح، قائلًا: «محمد صلاح لاعب كبير ولييفربول فريق كبير وكلوب مدرب كبير وماينفعش في المستوى العالي ده من التفاوض مع أندية كبيرة بإسم لاعب كبير تعمل تغريدات ساخرة في وضع زي ده».
وأضاف المستكاوي في مداخلة هاتفية خلال برنامج «كلمة أخيرة»، الذي تقدمة الإعلامية لميس الحديدي على شاشة «ON»: «ماينفعش المستوى ده مع مستوى رفيع من المفاوضات صحيح من حقك تدافع عن اللاعب الذي تمثل وكيله وبتتكلم بإسم لاعب كبير يبقى الحديث عبارة عن سخرية واستهزاء».
وتابع: «يمكن رامي بيتسخدم أسلوب السوشيال ميديا المعتاد زي العالم كله، وجمهور ليفربول بدأ يرد ويقول إحنا خسرنا لاعبين كبار وممكن نخسر محمد صلاح لكن مش هنخسر ليفربول».
وأوضح: «ماينفع نتعامل مع السوشيال ميديا إنها مش مهمة في أوقات ومهمة في أوقات أخرى بالعكس السوشيال ميديا منصة إعلامية توجه الرأي العام ولازم ناخد بالنا من تحركاتنا وكلامنا اللاعبين بميشموا والأندية بتبقى سواء ليفربول أو غيره»، مؤكدا: «مافيش نادي انتهى بخسارة لاعب ومافيش لاعب أكبر من النادي وده حقيقة تاريخية منذ بداية الكرة في مهدها».