بيومي فؤاد عن قلة أعماله الفنية: السن مبقاش يسمح زي زمان (فيديو)

كشف الفنان بيومي فؤاد أسباب قلة ظهوره في الأعمال الفنية، مؤكدا أن اختلاف اختياراته للأعمال الفني عن ما كانت عليه خلال السنوات الماضية. 

وقال بيومي فؤاد خلال لقائه مع موقع بصراحة على هامش تحضيرات الفيلم: بقيت بختار الأعمال بدقة، لأن السن مبقاش يسمح لي إني أعمل أي حاجة، بس مبحبش ازعل صحابي والناس القريبة مني اللي اشتغلت معاهم قبل كده زي حمدي الميرغني وأوس أوس، والسنة اللي فاتت مكنش ليا أي عمل درامي، لكن السنة دي مستني أكتر من حاجة في السينما. 

وكان بيومي فؤاد قد كشف منذ أيام، أسباب تأخرة نجوميته، وقال: أنا كنت خريج فنون جميلة سنة 1990، وكنت رئيس قسم  ترميم اللوحيات الورقية في قطاع الفنون التشكيلية بوزارة، وده كان شيئ يسعد\ني، وعمري ما زعلت إن نجوميتي إتأخرت بسبب ده.

وفي سياق متصل، تحدث بيومي فؤاد عن مميزات نجوميته عن أي فنان آخر، وقال: أكتر ما يميز نجوميتي إنها مفاجأة وغير متوقعة، وتأتي من الحالة، ده اللي بيقولوا عليا. 

ابن مين فيهم 

ومن ناحية أخرى، ينتظر بيومي فؤاد طرح فيلمه الجديد “ابن مين فيهم” 9 يوليو الجاري بجميع دور العرض.

وتدور أحداث فيلم ابن مين فيهم في إطار كوميدي حول شخصية "رشدي"، الذي يعمل رجل أعمال وله العديد من العلاقات النسائية، ويعيش حياته باستهتار وبلا التزامات حقيقية، وخلال أحداث الفيلم يصطدم مع محامية صارمة في رحلة بحثه عن نجله، وينشأ بينهما عدد من المفارقات والصراعات التي لا نهاية لها والتي يتم تناولها بشكل كوميدي يجذب المشاهد.

ويضم فريق عمل فيلم ابن مين فيهم نخبة من النجوم منهم ليلى علوي، وبيومي فؤاد، وبدرية طلبة، وهالة فاخر، وإيمان السيد، وويزو، والعمل من تأليف لؤي السيد، وإخراج هشام فتحي.