طبقة على الكراسي والتانية على الرصيف.. انتقادات حادة للكاتب أحمد مراد بسبب سوء تنظيم إحدى ندواته 

انتقد الكاتب روماني لطفي، طريقة تنظيم ندوة للكاتب أحمد مراد، قائلا: «النهادرة روحت حفلة i read لحضور ندوة للكاتب أحمد مراد بناء على دعوات تم طرحها لكن استغربت لما لقيت إن فيه طبقتين من البشر.. مش طبقة وحدة.. مجموعة قاعدة حولين الكاتب.. والمجموعة التانية قاعدين يتفرجوا على الطبقة الظريفة الجميلة اللي عايشة حياتها».

وأضاف روماني، عبر صفحته الشخصية فيس بوك: «الغريب في الأمر إني طول عمري بروح ندوات أول مرة اتصدم بالمنظر البشع ده لأني كنت أعرف أن الندوة مجال لتبادل الخبرات والمعلومات لكني اكتشفت إن فيه للتباهي».

وتابع: «أنا اتصدمت من المنظر ومشيت على طول وقررت أقاطع كل أعمال أحمد مراد رغم حبي ليه بس اللي حصل النهاردة مهزلة بكل الطرق.. فكرة الفصل بين طبقة قليلة علشان ميختلطوش بالطبقة التانية دي ملهاش غير مسمي واحد لأضع شعار داخل مكتبتي أنني مقاطع».