محمد دياب يُشيد بـ فريق عمل أسد: اشتغلوا سنين وخدوا نفس الأجر

أشاد محمد دياب مخرج فيلم أسد بمجهودات فريق العمل على مدار ثلاث سنوات متواصلة، وذلك بالتزامن مع طرح الفيلم.

وكتب محمد دياب عبر صفحته الرسمية بموقع التواصل الاجتماعي “فيسبوك”: إمبارح كان العرض الخاص لفيلم أسد. و انا بسمع تقدير الناس للمستوي الفني و التقني للفيلم كنت عاوز إقول للناس إن اللي يستحق الشكر هما الناس اللي اشتغلت علي الفيلم بتفاني لمده 3 سنين، ناس اختارت تاخد نفس الأجر اللي بياخدوه في أفلام بتخلص في شهور و فضلوا يشتغلوا علي أسد لسنين بلا كلل أو ملل.

وأضاف: وسط فرحه اليوم اللي بيبقي كأنه فرح المخرج فوجئت بأسماء اشخاص اسمهم اتنسي يتكتب علي التتر، الغلطه دي مش مسؤليه المخرج بس، أقسم بالله إن جزء كبير من فرحتي راحت عشان الناس دي اصلا مشتركتش في الفيلم غير عشان التقدير، طبعاً أسمائهم هتتكتب في النسخة اللي بتعيش للأبد اللي بتبقي بعد العرض السينمائي بس طبعا ده ميوفيهمش حقهم.

وتابع: فالبوست ده اتمني أي حد شاف أسد و حبه يشير البوست عشان محهود الناس اللي تفانت و اجتهدت و من غيرهم الفيلم كان هيبقي مستواه إقل بكتير علي حجازي، علي دراعي اليمين، و ادواره في الفيلم متعدده، مفيش عنصر اشتغلت عليه الا لما كان عيني التانيه و ممكن نقول إنه أكتر واحد تعب في الفيلم ده.

واختتم: نيجي بقي لعنصر الصوت اللي دايما بنشتكي انه عنصر ضعيف في مصر، لكن الحقيقة إن الشغل اللي بيتطلب بيبقي عاوز وقت أضعاف المتاح، فلما الناس بتاخد وقتها و تقرر انها تضحي بشغل تاني عشان تدي الفيلم الوقت المستحق بتطلع النتيجه هايله. أسد شريط الصوت اللي فيه علي مستوي عالمي و ده بسبب: مونتاج الحوار أحمد عدنان، عادل عبد الحميد تصميم شريط الصوت، عبدالله سمير مسجل الدوبلاج، الناس دي تستحق أكتر من كده بكتير و اتمني إنكوا تقدروهم لأنهم بجد اشتغلوا عشان إخلاصهم لشغلهم و فنهم. بحبكوا.

العرض الخاص لـ فيلم أسد

واحتفل أبطل فيلم أسد بالأمس بالعرض الخاص له بإحدى السينمات.

موعد طرح فيلم أسد

ومن المقرر طرح فيلم أسد  غدا 14 مايو الجاري بمصر و21 مايو بجميع دول العالم.

أحداث فيلم أسد

وتدور أحداث فيلم أسد في إطار تاريخي خلال ا حول القائد علي بن محمد الفارسي الذي قاد ثورة العبيد ضد الحكم العباسي، والتي استمرت لمدة 14 عاما.

فريق عمل فيلم أسد

ويضم فريق عمل فيلم أسد نخبة  كبيرة من النجوم المصريين والعرب منهم محمد رمضان، ورزان جمال، وأحمد خالد صالح، ومحمود السراج، وماجد الكدواني، وعلي قاسم، وركين سعد، وكامل الباشا، والعمل من تأليف محمد دياب وخالد دياب وشيرين دياب، وإخراج محمد دياب.