بسمة وهبة تُهاجم إبراهيم عيسى: إنت مش وصي علينا.. واحتفظ بآرائك لنفسك ومحدش فوضك إنك تتكلم باسم ربنا والدين

هاجمت الإعلامية بسمة وهبة، الإعلامي إبراهيم عيسى، بعد تصريحاته الأخيرة التي أثارت جدلًا واسعًا في مصر، حيث ادعى كذب واقعة المعراج واتهم رجال الدين الإسلامي بتزييف الواقعة، ما أثار موجة هجوم ضده قادها رموز وممثلون عن محافظات الصعيد.

كما انتقدت بسمة وهبة المتحدثين في الشؤون الدينية والإفتاء دون تخصص، وأوضحت خلال لقائها في برنامج 90 دقيقة على قناة المحور: بنلاقي الناس على تيك توك ومنصات تانية بيتكلموا عن الدين وبيفتوا، إنت بتكتشف حاجة بمخك إنت.. أنا ذنبي إيه وجيراني وأصحابي وأسرتي والمجتمع إنك إنت عاوز تخليه يفهم غلط زيك؟!.

واستكملت: عاوز توصل لإيه؟! احتفظ بآرائك لنفسك وطبقها على نفسك، وخلي قناعاتك لنفسك، لكن أنا ذنبي إيه؟! إنت مالك ومالي، أنت مش وصي عليّ ولا وصيّ على الدنيا ولا حد فوضك إنك تتكلم باسم ربنا واسم الدين، أنت من تكون؟!.

وأشارت بسمة وهبة إلى أن الفتاوى الشاذة في الدين تأتي في إطار تشويه المجتمع المصري، معقبة: وأعرض على الجاهلين، وتوخوا الحذر، والله خاطبنا في كتابه الكريم بيا أصحاب العقول، أي أن الله منحنا الله العقل لكي نزن به الأمور، أرجوكم تمهلوا وماتسمعوش وامتمشوش في السكة دي، وأتمنى من كل واحد بيحب يفتي ويقول آراؤه في الدين إنه يخلي آراءه لنفسه، مش عاوزين نعرف ومرجعيتنا الأزهر الشريف.