نجل هشام سليم: بطلت أحاول أمثل الرجولة وبقيت واثق في نفسي في أكتر

تحدث نور هشام سليم، نجل الفنان الراحل هشام سليم عن اكتسابه معاني جديدة للرجولة، مؤكدا أن هذا كان له آثر كبير على شخصيته.

وقال نور هشام سليم من خلال فيديو نشره عبر حسابه الرسمي بموقع التواصل الاجتماعي “انستجرام”: يعني إيه رجولة، فيه ناس كتير فاكرة إن الرجولة معناه إن صوتك يبقى عالي ومتحسش بأي حاجة، وبصراحة أنا كنت فاكر كده كراجل عابر، حسيت إني لازم أثبت للناس اللي حواليا أكتر من أي حد، ولازم أكون أقسى وأشد وأعلاهم صوتا، وأحيانا  مؤذي، 

وأضاف: كنت فاكر لو معملتش كده الناس هتشوفني مش راجل، لكن لما قعدت مع نفسي حصل العكس تماما.  بطلت أحاول أمثل الرجولة   وبقيت واثق في نفسي في أكتر وده اللي خلاني أقوى وأهدى وأحن والرجولة مش شكل أو طريقة لبس معينة ولكن كل واحد بيعشها بطريقته، فا أنا نفسي اعرف منكم أنتوا شايفين الرجولة إزاي. 

 وفي وقت سابق، قال  نور هشام سليم، في رده على تساؤل المتابع، قائلًا: «انا فاكر اللحظة اللي أنا بصيت في المرايا وشفت نور وكانت لحظة ما اعتقدش ان انا قدر اشرحها أصلا يعني ، بس كأني على مركب في نص البحر والموتور مش شغال وبقالك 23 سنة في المياه وما فيش حد بينقذك وقاعد وتعبان وبعدين مرة واحدة شفت نيو يورك .. تحفة».

كما كشف  نجل هشام سليم، كواليس حياته في البرتغال بعد تحولة الجنسي، من نورا الفتاة ذات الـ18 عامًا إلى الشاب «نور»، في مقطع فيديو جديد بثه عبر الإستوري الشخصي له بموقع إنستجرامـ وقال: “قرار التحول مكنش سهل وكنت متردد بس أول مابصيت لنفسي في المراية حسيت إني كنت تايه وحد أنقذني”.

وتابع: “في العالم العربي بنت تتحول لولد مقبوله عن ولد يتحول لبنت هيتبهدل و اعرف ناس كتير اتبهدلت”.

واستكمل عن أصعب موقف بحياته بعد تحوله جنسيا :خسرت ابويا و حبيبي و صديقي ، ولسه مكتوب في البطاقة أنثى وعايش في البرتغال لأن مصر مبتحبنيش.