لايف موقع بصراحة| «محتاج حُـقـنة بـ 150 مليون جنيه».. استغاثة أسرة «يزن» 3 سنوات من كفر الشيخ لعلاجه

تقدمت أسرة الطفل يزن، البالغ من العمر 3 سنوات والمقيم بمحافظة كفر الشيخ، بنداء استغاثة عاجل إلى وزارة الصحة والحكومة، تطالب فيه بتوفير حقنة علاجية تبلغ تكلفتها 150 مليون جنيه، لإنقاذ حياة طفلهم المصاب بمرض ضمور العضلات من نوع دوشن، وهو أحد أخطر الأمراض الوراثية النادرة.

وأعربت الأسرة عن أملها في أن يتمكن يزن من عيش حياة طبيعية كباقي الأطفال، مشيرة إلى أن هذه الحقنة تمثل الأمل الوحيد لعلاجه وتحسين حالته الصحية بشكل جذري.

والدة يزن مريض ضمور العضلات:"  “نفسي أشوف ابني بيلعب قدامي ويعيش حياته زي أي طفل" 

وفي بث مباشر خاص لموقع بصراحة الإخباري، قالت والدة يزن: “نفسي أشوف ابني بيلعب قدامي ويعيش حياته زي أي طفل، كان مولود طبيعي، لكن بالصدفة اكتشفنا إصابته بالمرض الخطير”.

وأضافت:"يزن محتاج حقنة بـ150 مليون جنيه علشان نقدر نعالجه، الحقنة دي بتتاخد مرة واحدة بس، وفي سن معين، وهي قادرة تغير حياته كلها".

وتابعت:"الحقنة مش موجودة في مصر، موجودة بس في قطر والإمارات،و إحنا بنطالب بدخولها علشان تنقذ حياة أطفال كتير في نفس حالة ابني".

والدة يزين: “ قدمت طلب للعلاج على نفقة الدولة، لكن تم رفضه بحجة عدم وجود ميزانية” 

وأوضحت والدة يزن:"قدمت طلب للعلاج على نفقة الدولة، لكن تم رفضه بحجة عدم وجود ميزانية، وحتى دلوقتي مش عارفين نفتح حساب في وزارة التضامن علشان نبدأ نجمع المبلغ".

واختتمت حديثها بنداء إنساني:"أنا بناشد وزير الصحة وكل المسئولين، وبطلب من الرئيس السيسي يضم مرض ضمور العضلات الدوشن ضمن المبادرة الرئاسية لعلاج ضمور العضلات، اللي حاليًا بتشمل فقط حالات الضمور الشوكي، لكن أطفالنا كمان محتاجين أمل في العلاج والحياة".