لايف موقع بصراحة| «ماعنديش غيره ونفسي يفضل جنبي».. أسرة رحيم مريض ضمور العضلات عايزين حقنة بـ 3 مليون دولار علشان يقدر يعيش

استغاثت أسرة الطفل رحيم، الذي يعاني من مرض ضمور العضلات الشوكي، بالمسؤولين، وعلى رأسهم وزير الصحة ووزارة التضامن الاجتماعي، من أجل مساعدتهم في علاج ابنهم وفتح حساب رسمي لتلقي التبرعات لتوفير الحقنة اللازمة له والتي تبلغ تكلفتها نحو 3 ملايين دولار.

والدة الطفل رحيم: " ابني تعبان من ضمور عضلات بقاله 3 سنين ومش لاقيين علاج له"

وقالت  والدة الطفل رحيم  مريض ضمور العضلات، عبر لايف خاص لموقع بصراحة الإخباري:" ابني تعبان من ضمور عضلات بقاله 3 سنين ومش لاقيين علاج له".

وتابعت والدة الطفل: “ نفسي ابني  يعيش حياة طبيعية ويفضل جنبي وأفرح بيه هو كل حاجة عندي مع اخواته البنات، ابني موضحًا معاناة طفلها الشديدة في حقه في أن يعيش حياة طبيعية مثل أي طفل: ” ابني مش بيعرف يتكلم ولا ينام ولا يأكل المرض مأثر عليه".

والد الطفل رحيم: “ ابني لو ما خدش الحقنة عضلات جسمه هتتقلص لحد ما يموت قدامي"

والد الطفل رحيم لـ «بصراحة»: “ ابني لو ما خدش الحقنة عضلات جسمه هتتقلص لحد ما يموت قدامي، ومش هشوفه تاني طول حياتي، عايزة انقذ ابني علشان يرتاح وافرح بيه”.

وأضاف والد الطفل:" بنناشد المسؤولين يفتحوا حساب عشان نقدر نعالجه وندي له فرصة يعيش، عايزين وزير الصحة يهتم بحالته ويساعدنا في علاج رحيم" .

وتابع والد  الطفل رحيم: “ ابني تعبان جدا محتاج حقنة بـ 3 مليون دولار علشان يقدر يعيش وافرح بيه، مش عندنا حساب له ومش عارفين نفتحه ومفيش حد واقف جنبنا ولا بيساعدنا في علاج ابني ومش عارفين نعمل ايه”.

واختممت والدة الطفل حديثها: “ ياريت تساعدوني في علاج ابني عايزة افرح بيه واشوف عايش حياة طبيعة زي أي طفل ويتخلص من معاناته ابني صغير علي التعب داه، ياريت صوتي يوصل لوزي الصحة ويهتم ويعالج ابني ويديله فرصه انه يعيش”.