عمرو سلامة يدافع عن محمد عبدالعاطي: اللي فرحان بنومته في الحجز خسيس

دافع المخرج عمرو سلامة عن صانع المحتوى محمد عبدالعاطي بعد القبض عليه،  من خلال منشور عبر حسابه الشخصي فيسبوك.

وكتب عمرو سلامة: من تجربة شخصية محمد عبد العاطي من اكثر الناس اللي عرفتها على المستوي الشخصي مؤخرا وحبيتهم ودخلوا قلبي، شخص طيب وجدع ودمه خفيف وإبن حلال مصفي، لغته اللي في ناس مش موافقة عليها وده حقهم، هي نفس لغته اللي شوفت بعيني مئات الشاب بيسلموا عليه وبيقولوله "بنحبك علشان بتتكلم زينا.

وأضاف: من حق أي حد يكره طريقته، أو يتهمها بتشويه "الذوق العام وقيم الأسرة" أو يقاطعه، يرفض يجوزه بنته، يلعنه في تعليقات على النت، لو شافه يقوله في وشه "بكرهك"، بس فرحة أي حد بنومته في الحجز علشان مجرد شوية كلام حتى لو خارج وفوقيه صوت بطة- هي فرحة خسيسة ربنا يرجعه لحبايبه الكثير قوي بالسلامة.