أحمد عبدالباسط يكشف كواليس "الدورة الشعبية" في بني شبل بالزقازيق

كشف أحمد عبدالباسط الناقد الرياضي كواليس حضور نجوم الرياضة والإعلام لقرية بن شبل في منيا القمح، وحضور مباريات شعبية أقيمت على أعلى مستوى بحضور جماهيري حوالين الملعب وعلى أسطح المنازل.

وقال أحمد عبدالباسط لـ"بصراحة": "الدورة دي بنعملها كل سنة أخر مرة عملناها كسبنا 50 ألف جنيه من منى الشاذلي والحضور الجماهيري يكون رائع".

وتابع: "عملنا بالـ50 ألف جنيه مركز طبي كبير وخيري وهو مركز طبي أساسي في البلد ويخدم كل الأهالي هناك".

وواصل: "فيه لجنة منظمة للدورات دي فيها 30 فرد من شباب البلد وكلنا بنساعد فيها".

وأكمل: "عشان الملعب يطلع بالشكل ده محتاجين تحضيرات فبنوقف الدورة قبل النهائي بيومين أو تلاتة عشان نظبط التجهيزات لإن مش سهل الملعب يطلع بالشكل ده".

واختتم: "المباريات دي بيحضرها كل أهالي البلد تقريبًا والقرى اللي حوالينا، وبيشارك فيها عادي فرق من خارج البلد، وفي النهائي امبارح كسب الدورة فريق من خارج البلد والتحكيم كله خارجي عشان يكون فيه عدالة.. فدي حالة بنعملها كل سنة".