ريهام سعيد تدافع عن مها الصغير: كفاية إهانة دي فقدت زوجها وأبوها وأخوها

دافعت الإعلامية ريهام سعيد عن الإعلامية مها الصغير بعد أزمة سرقتها لوحات نجوم أجانب، وعرضها خلال لقائها مع الإعلامية منى الشاذلي.

وكتبت ريهام سعيد عبر حسابها الشخصي بموقع التواصل الاجتماعي فيسبوك: غلطت و اعتذرت . حد سال عملت كده ليه ؟؟؟ من غير تفاصيل مهي عدت بأوقات كتير قاسيه جدا و استحملت كتير و أنا عارفه ده لأني كنت صديقه والدها جدا الله يرحمه.

وأضافت: آكيد بعد الي مرت بيه و بعد فقدان أبوها وزوجها و خلافاتها مع اخوها كانت بتدور علي تقدير بتدور علي نجاح بطريقه غلط لما بتحس بعدم الأمان انت بتبقي مش مستقر نفسيا و بتعمل تصرفات غريبه لإثبات الذات عايز تبقي ناجح و مشهور باي طريقه.

وواصلت: مش ببرر بس كلنا بنغلط كفايه . كفايه اهانه . هي لو جبل كان اتهد. انا مريت بهجوم كده قبل كده ولكن كان علي باطل بس برضوا مجرح اوي . مهي غلطت و انتوا كمان بتغلطوا هي غلط و غلط جدا الي عملته بس أنا متأكده ان ده نتيجه ضغوط نفسيه بتمر بيها . أرجو التوقف عن الهجوم أنا خايفه عليها مش هاتستحمل كل ده .