احتمال متتسجلش.. نقيب الموسيقيين اللبناني يكشف مفاجأة عن ديو فضل شاكر وشيرين |خاص

تصدرت الفنانة شيرين عبدالوهاب مواقع التواصل الاجتماعي في الساعات الأخيرة بسبب منعها من دخول مخيم عين الحلوة في لبنان لتسجيل أغنيتها مع فضل شاكر.

وقال فريد بو سعيد في تصريح خاص لـ"بصراحة": هي جات سياحة عشان تدخل المخيم ومحصلتش على تصاريح أمنية عشان كده منعوها واحتمال ميسجلوش الأغنية.

رضوى الشربيني تدعم شيرين 

وجهت الإعلامية رضوى الشربيني رسالة مؤثرة للفنانة شيرين عبدالوهاب، عبرت خلالها عن مشاعر جمهورها، وموقفها الشخصي تجاه الأزمة التي تمر بها شيرين، بعد الانتقادات التي طالتها عقب حفلها الأخير.

وقالت رضوى الشربيني في حلقة جديدة من برنامجها “هي وبس”، المذاع على شاشة قناة “DMC”: “الناس زعلانة منك وزعلانة عليكي، كل الأغاني القوية اللي قوت ستات كتير وانا واحدة منهم، خلتني أحس قد إيه إنك إنسانة قوية، انا من جمهورك، وكنت دائما بستمد منك القوة”.

وتابعت الشربيني موجهة حديثها لـ شيرين عبدالوهاب: “إنتي أقوى من الموقف ده، حتى لو كان صعب، البنات والستات بتستمد قوتها منك، وزعلانين عليكي لأنك محاطة باختيارات غلط، شغل غلط، وناس غلط حواليكي، وده كفيل يهد سنين من التعب، أرجوكي متسمعيش للناس اللي هدفهم يوقعوكي”.

وأضافت بنبرة محبة واضحة: “إنتي شيرين عبدالوهاب، النجمة اللي كانت بتطلع الموضة على المسرح، وتخطف القلوب بحضورها وصوتها، ربنا مديكي حب الناس بدون مقابل، سواء قولتي تصريح حلو أو لأ.. الناس بتحبك”.

وختمت رسالتها قائلة: “كفاية كده، إحنا عارفين إنك بتسمعينا، واللي زعلان منك أو زعلان عليكي، بيحبك وعايز مصلحتك”.