عمرو أديب: أقسم بالله تلاتة أنا ما عندي مشكلة مع وزير النقل

أكد الإعلامي عمرو أديب أن الدولة يجب أن تحاسب المسؤول عن حادث الطريق الدائري الإقليمي، الذي أودى بحياة 19 شخصًا.

وقال أديب خلال برنامج «الحكاية» المذاع على قناة «إم بي سي مصر»، مساء الإثنين: «لم أسمع عن أن في محاسبة لحد ، اتحدث عن محاسبة الوزير للمسؤول، الآن تظهر الجرارات والحركات كل شيء يظهر عظيم وهائل ورد فعل سريع ولكن يجب أن نسأل ماذا كان يحدث؟».

وأضاف: «أقسم بالله تلاتة أنا ما عندي مشكلة مع هذا الرجل خالص، إيه هتبقى مشكلتي معاه؟ اللي بيتفرج على البرنامج عارف ساعات من التشجيع والوقوف وكل شيء».

وتابع: «لما يكون شيء جيد هنقول جيد ولما يكون شيء غير جيد هنقول غير جيد، في مشكلة وهذا الرجل مسؤول عن 7 آلاف كم من الطرق ووارد أن يكون في مشاكل في عدد من الكيلومترات ولكن الأولوية والقدرة اننا نلحق بقي».

وواصل: «مش هاقول التنمية ليها ضحايا، التنمية ليها أفراح ونمو وثمار وسعادة ومواطن سعيد، احنا ورا بلدنا مواطنين ومسؤولين إحنا ورا الوزارة والرئيس إحنا مش عايزين مشكلة بس إحنا عايزين الصح، شغلتي في المكان ده أننا نقول الصح».

وأكمل: «أنت تستطيع وابتدت الفواصل على الطريق تبقى صح ومن كام يوم كانت غلط ودلوقتي في إنارة وعلامات، كان عندك كنت شايله ليه؟ أنا عايز أرسي قاعدة إنسانية من حقك أنك تسأل بس».

وأوضح: «أنا المواطن ليا حق أصيل وأسال ماذا حدث؟ متصادروش على حق الناس في السؤال، الأربع خمس أيام اللي فاتوا دول كانت حرية الرأي في مصر زي أي بلد أوروبي، يتحدث الناس وأنا مبشتغلش عند حد».

وذكر: «مش أنا بس انظروا لكل الأصدقاء والسوشيال ميديا والكتاب والمفكرين كل واحد عبر عن رأيه، التصدي للمنصب العام غير أنه يبقى شرف له مضار وعيوب عندما تكون متصديا لمنصب عام أنت بتدفع تمن غالي».

واختتم: «واحد يسألني هو الراجل يعني هو اللي موتهم؟ في مسؤولية وهي الناس لما بتتكلم بتقول إيه؟ في مصر لا يعرف أحد المحافظ ولا المحليات في مصر بيجيبوا من الآخر هذا قدر لو بتعمل عمل عام أو حضرتك ممكن تشتغل في الأوبرا، ولكن عندما تكون مسؤول عن 7 آلاف كم ومصانع مصر كلها أنا أشفق عليك أن عندك مسؤولية كبيرة».