سلمى أبو ضيف: تشبيهي بشريهان يُسعدني.. وأتمنى تقديم عمل استعراضي يليق بها

عبّرت الفنانة سلمى أبو ضيف عن سعادتها الكبيرة بالتشبيه المتكرر بينها وبين النجمة الاستعراضية شريهان، مؤكدة أنها ترى في هذا التشبيه تكريماً كبيراً لكنها لا تجد نفسها في مقارنة عادلة معها.

وقالت سلمى أبو ضيف في تصريحاتها لبرنامج "عرب وود":  “لما بسمع كده بتبسط أوي بس هنظلمها كده، بموت فيها وعمري ما شفتها ولا قابلتها، ونفسي أشوفها يوم”.

وأضافت أبو ضيف أنها تحلم بتقديم عمل استعراضي، مؤكدة: “نفسي أعمل حاجة استعراضية مفيش حد بيعمل استعراض زي شريهان، لا كان قبلها ولا هيجي بعدها”.

سبب الهجوم على سلمى أبو ضيف

من ناحية أخرى، كشفت سلمى أبو ضيف عن كواليس الهجوم الذي تعرضت له عقب نشر صور توثق لحظات حملها، معتبرة ما واجهته من انتقادات قاسية وتنمر ظالماً وغير مبرر.

وفي حوار مع الفنانة إسعاد يونس ضمن برنامج "صاحبة السعادة"، قالت سلمى: “الناس قفشت أوي إزاي تبيني بطنك؟!.. انا شايفاها حاجة جميلة وكنت فرحانة وده اللي خلاني أشارك اللحظة، ما حسبتش ساعتها إني ممثلة ولازم أفكر الناس هتقول إيه، وده شيء ساعات بندم عليه”.

وتابعت بانفعال: “في ناس اتنمرت عليا بشكل سيء وقالوا كلام فيه قلة أدب، وكأن الحمل مش طبيعي، أمك وامي ومراتك وبنتك كلنا مرينا بنفس اللحظة، ليه اخليها تقعدني في البيت؟!”.
 

وأكدت سلمى أبو ضيف أنها فكرت في اتخاذ إجراءات قانونية ضد أصحاب بعض التعليقات المسيئة، مشيرة إلى أن بعض الهجوم تجاوز كل الحدود: “معنديش مشكلة حد ينتقد، لكن حد يغلط ويتطاول علي بيبي لسه متولدش؟! ده كان شيء مفجع.. ناس دعت عليا وشتمت أهلي وجوزي وبنتي وامي وأخويا وأبويا”.