زوجة مؤمن زكريا : "مش عارفة لية كل ما مؤمن يفرح بحاجة الناس تنكد عليه"

قالت ريهام الشيمي، زوجة اللاعب مؤمن زكريا، تعليقًا على شائعات وفاة زوجها: «والله العظيم هو زي الفل وكويس، ومش عارفة ليه كل ما يفرح بحاجة الناس تنكد عليه تاني، لسة الجمهور جاي إمبارح وفرح جدًا، ومكناش عارفين إن الجمهور جاي يحتفل معاه بنتيجة مباراة السوبر إمبارح، ومش عارفة ليه الناس بتنكد عليه النهاردة».

وأضافت «الشيمي»، في مداخلة هاتفية مع برنامج «يحدث في مصر»، المذاع على قناة «MBC مصر» الفضائية، ويقدمه الإعلامي شريف عامر: «هما بيستفيدوا إيه لما بيعملوا كدة! هو الحمد لله كويس، وحالته الصحية مستقرة، وكان مفروض يسافر إنجلترا وقدم على الفيزا، لكن لسه مطلعتش، وإن شاء الله هيبقى كويس».

وكشفت أن هناك طبيب في انتظاره في إنجلترا، والأمر متوقف فقط على إصدار الفيزا، مشددة على أنه كان يشاهد مباراة الأهلي أمس، ولم يتوقعوا مجيئ الجمهور أسفل المنزل، وهذا الأمر أسعدهم كثيرًا، وهو كان سعيد جدًا، معربة عن أمنيتها بأن يراعي مروجو الشائعات حالته النفسية.