أبرز تصريحات شريف مدكور: "أنا شيخ نفسي وواصل لدرجة إني بستشير الرسول"

أكد الإعلامي شريف مدكور، بأنه يرغب في تقديم برنامج ديني، مشيرًا إلي أنه كان يدرس في الدين لفترة تسجل لـ 5 سنوات خلال الفترة السابقة، مع توجيه كل الاحترام والتقدير لكل علماء الدين والشيوخ.

كشف الإعلامي شريف مدكور خلال لقاءه التليفزيونية: عن أبرز تفاصيل تخص مشوار حياته، قائلا: "حلمي أعمل برنامج ديني، ممكن الناس تتخض وبقالي 4 أو 5 سنين بذاكر في الدين مع نفسي، وأنا شيخ نفسي ومع كامل احترامي لكل رجال الدين في كل الديانات وكل الشيوخ على راسي من فوق بس أنا بلاقي الشيخ ده بيقول عكس الشيخ ده، والمذهب ده غير المذهب ده أنا أمشي مع مين؟.

وأضاف مدكور، بأنه قبل البدء في أي عمل، كان يتجه لقرأت جميع الكتب المهمة، وفي قلب استفتيت فيه وعقل فكرت بيه وربنا قالي إقرأ، وقرأت في كل حاجة، وأنا قرأت ديني  اللي بحبه أوي، وقرآني اللي بعتز بيه أوي، ورسولي اللي أنا لو في حاجة بعملها بقول لو أنا قاعد أمام الرسول هيقولي إيه؟، وبستشيره أنا واصل للدرجة دي.

شريف مدكور ردًا على منتقديه: أتكلم في الدين براحتي

من جانبه، قبل أيام ماضية، تعرض الإعلامي شريف مدكور، لعدة انتقادات من المتابعين والجمهور، يرجع حديثه عن الدين وتفسير آيات القرآن الكريم، موضحًا أنه يبحث في الدين ليزيد إيمانه وليس من أجل المتاجرة به، حيث كتب عبر فيسبوك: أنا أتكلم في الدين براحتي وأقول اللي أنا عاوزه مدام مش بكفر حد والحاجة الوحيدة اللي مش من حق مخلوق يقولي متتكلمش فيها هي ديني، على الأقل أنا ببحث وبجتهد علشان أزود إيماني ويقيني والله أعلم.. أنا مش خروف همشي ورا كلام حد.