هاخد قرض تاني منهم.. محمود العسيلي يكشف سبب غيابه عن إعلانات بنك مصر |خاص

كشف الفنان محمود العسيلي سبب غيابه عن إعلانات بنك مصر لعامين متتاليين، مشيرًا إلى أنه من حقه أن يغير ويجرب مع أخرون.

وقال العسيلي خلال لقائه مع موقع “بصراحة”: التغير مطلوب أنا قعدت معاهم 6 سنين وحققت نجاحات كبيرة ومهمة.

وأضاف: هما ليهم الحق إنهم يجربوا مع نجوم تانين زي ما أنا ليا الحق أجرب مع ناس تانية زي ما أنا السنادي كسرت الدنيا وهاخد قرض تاني منهم السنة الجاية إن شاء الله.

محمود العسيلي يكشف بداياته

وكان قد قال الفنان محمود العسيلي: "مع كل أغنية بعملها كإنها أول عمل غنائي باعمله، وفي وقت حسيت بالغرور وشوفت نفسي وقلت الله ده أنا جامد أوي روحت واخد علقة على قفايا ودي كانت رسالة من ربنا إني أفوق لنفسي لإني معملتش لسه حاجة".

درس تعلمه محمود العسيلي
وأضاف خلال لقائه ببرنامج "ع المسرح" الذي تقدمه منى عبد الوهاب بقناة "الحياة": "اتعلمت إن عمري ما أبقى راضي عن مشروع الفني أبدا ولا أضمن النجاح ولا أعمل حاجة وأتوقع إنها تكسر الدنيا وإن كل حاجة بإيد ربنا".

الخلود الفني في أعمال محمود العسيلي 
وتابع: "أنا مؤمن بالخلود الفني وإن فيه حاجات عملتها أعتقد إنها هتعيش زي أنت تقدر وابن مصر  وحلم بعيد وتبات ونبات، أغاني هيعيشوا إلى ما لا نهاية وهي علامات في تاريخي".