محمود العسيلي: خدت على قفايا بسبب الغرور ومؤمن بالخلود الفني

قال الفنان محمود العسيلي: "مع كل أغنية بعملها كإنها أول عمل غنائي باعمله، وفي وقت حسيت بالغرور وشوفت نفسي وقلت الله ده أنا جامد أوي روحت واخد علقة على قفايا ودي كانت رسالة من ربنا إني أفوق لنفسي لإني معملتش لسه حاجة".

درس تعلمه محمود العسيلي

وأضاف خلال لقائه ببرنامج "ع المسرح" الذي تقدمه منى عبد الوهاب بقناة "الحياة": "اتعلمت إن عمري ما أبقى راضي عن مشروع الفني أبدا ولا أضمن النجاح ولا أعمل حاجة وأتوقع إنها تكسر الدنيا وإن كل حاجة بإيد ربنا".

الخلود الفني في أعمال محمود العسيلي 

وتابع: "أنا مؤمن بالخلود الفني وإن فيه حاجات عملتها أعتقد إنها هتعيش زي أنت تقدر وابن مصر  وحلم بعيد وتبات ونبات، أغاني هيعيشوا إلى ما لا نهاية وهي علامات في تاريخي".