إيد المدام لازم تشخلل.. نصائح ذهبية من ياسمين عز لـ الفرعون في عيد الحب

قدمت الإعلامية ياسمين عز نصيحة للأزواج بشأن الهدايا في عيد الحب، مؤكدة أن تقديم الورود لم يعد مناسبًا.

الورد اتلغى يا مدام

خلال تقديمها برنامج "كلام الناس" على قناة MBC مصر، أوضحت ياسمين أن الذهب والألماس أصبحا البديل الأفضل للورد، قائلة: “منذ اختراع الذهب والألماس، تم إلغاء الورود، فالورد الأحمر مجرد هدية تكميلية لا فائدة لها سوى التسبب في الحساسية وسحب الأكسجين من البيت.”

وقالت ياسمين عز: "الشيكولاتة الحمرا بتتخن. دباديب حمرا؟ هي مش في حضانة يا حبيبي .. كلنا عارفين إن الراجل ميعرفش في حياته حاجة حمرا غير تيشيرت الأهلي، خليكي ناصحة يا مدام وغيري الألوان وبلاش أحمر، أخضر أو أصفر، والأخضر هنا رمز الدولار، والأصفر رمز معدن الذهب".

إيد المدام لازم تشخلل

وتابعت: "إنت هتجيب لها النهاردة كرسي جابر ينور في رقبتها، دهب زينة وخزينة لها ولعيالك وللبيت، ولو كرسي جابر غالي عليك ولا يهمك، ظرف فيه 10 آلاف جنيه أو 10 آلاف دولار أيهما أقرب، شيك على بياض أو وصل أمانة، كردان دهب صغيرون زي بتاع جدتك، أو خاتم ألماس بسيط 2 جرام أو 2 جرام ونص، لازم تنور إيدها الشقيانة بخاتم يفرحها، وبالنسبة للورد هاته لمامتك هدية جميلة ومزية".

واختتمت: "الراجل الصح لازم إيد مراته تشخلل من كتر الغوايش والدهب، عايزة إيدها توجعها من تقل الغوايش عيار 24، ولو في عيار 34 هاته، وما تنساش تدلع مراتك بكلام رومانسي علشان تفتكرك بدعوة حلوة لما تموت بعد الشر عليك".