كان نفسي أكون جنبك.. منة فضالي تكشف سبب غيابها عن حفل زفاف شقيقها

كشفت الفنانة منة فضالي سبب عدم حضورها حفل زفاف شقيقها، مشيرة إلى أن التصوير شغلها عن الحضور، وتتمنى له حياة سعيدة.

وكتبت منة فضالي عبر حسابها الشخصي بموقع التواصل الاجتماعي “انستجرام”: اخويا الصغير اتجوز وللأسف معرفتش احضر الفرح بسبب الشغل والتصوير.

وأضاف: كان نفسي اكون جنبك في يوم زي ده بس غصب عني مبروك يا حبيب قلب اختك وربنا يسعدك و يبعد عنك العين و اشوفك احسن حد في الدنيا.

منة فضالي عن والدتها

وكانت قد وصفت الفنانة منة فضالي، عام 2024، أنه عام به "الحلو" و "الوحش"، خاصة عقب خضوع والدتها للجراحة بسبب معاناتها من سرطان القولون.

الفنانة منة فضالي، عبر صفحته في موقع فيسبوك، كتبت: "سنة كان فيها الحلو والوحش برضو بس دايما بقول الحمدلله على كل حاجة تيجي بس دايما لازم يكون عندنا أمل في الحياة، مهما كان اللي بنمر بي دايما نقول يا رب وربنا كبير ممكن ظروفنا مش شبه بعض وحياة كل شخص غير التاني بس في الآخر كلنا واحد وإحنا اللي بنغير و بنختار حياتنا اللي إحنا عاوزينها".

وتابعت: "اللي عايزة أقوله من كل ده إن مفيش حاجة هتتغير غيرنا إحنا بنموت وبيتولد غيرنا في مجتمع وتفكير تاني غيرنا، نحاول نحمد ربنا على أي حاجة ربنا مديهالنا أنا بالنسبالي كانت سنة فيها شغل آه وسفر وحاجات كتير، بس كان فيها أوحش حاجة، إن أمي جالها سرطان، وعشت فترة صعبة برغم إنها كانت في المستشفى، كنت بصور في نفس الوقت لو مكنتش بنام يعني في الآخر الحمدلله على كل شيء".