منة فضالي: يمكن ربنا مكرمنيش أكون أم لكن أنا بعتبر الكلاب ولادي

أعربت الفنانة منة فضالي عن سعادتها الكبيرة بتربية “الكلاب”، مشيرة إلى أن كلبيها أوفياء، وهم في المكانة الثانية بعد والدتها.

وكتبت منة فضالي عبر حسابها الشخصي بموقع التواصل الاجتماعي “انستجرام”: عارفه ان في ناس مبتحبش الكلاب بس حقيقي مفيش احن و لا اوفي منهم بجد بحبهم من قلبي و هما بيحبوني يمكن ربنا ماكرمنيش اكون ام لاطفال.

وأضافت: بس أنا بعتبر الكلاب دي ولادي بجد و بخاف عليهم يا ريت اللي عنده حيوان يرعاه احنا عندنا ناس كتير في حياتنا كتير اوي بس هما معندهمش غيرنا كفايه مفيهمش غدر البني ادم اللي تأكله في بيتك و في بنكم عيش و ملح و هما اكتر ناس تنهش في لحمك الحمدلله بقي عندي اكتفاء ذاتي هو لو عندي شغل يبقي امي اول حاجه وشغلي و كلابي و البيت الحمدلله مراحل الأربعين.

منة فضالي عن والدتها

وكانت قد وصفت الفنانة منة فضالي، عام 2024، أنه عام به "الحلو" و "الوحش"، خاصة عقب خضوع والدتها للجراحة بسبب معاناتها من سرطان القولون.

الفنانة منة فضالي، عبر صفحته في موقع فيسبوك، كتبت: "سنة كان فيها الحلو والوحش برضو بس دايما بقول الحمدلله على كل حاجة تيجي بس دايما لازم يكون عندنا أمل في الحياة، مهما كان اللي بنمر بي دايما نقول يا رب وربنا كبير ممكن ظروفنا مش شبه بعض وحياة كل شخص غير التاني بس في الآخر كلنا واحد وإحنا اللي بنغير و بنختار حياتنا اللي إحنا عاوزينها".

وتابعت: "اللي عايزة أقوله من كل ده إن مفيش حاجة هتتغير غيرنا إحنا بنموت وبيتولد غيرنا في مجتمع وتفكير تاني غيرنا، نحاول نحمد ربنا على أي حاجة ربنا مديهالنا أنا بالنسبالي كانت سنة فيها شغل آه وسفر وحاجات كتير، بس كان فيها أوحش حاجة، إن أمي جالها سرطان، وعشت فترة صعبة برغم إنها كانت في المستشفى، كنت بصور في نفس الوقت لو مكنتش بنام يعني في الآخر الحمدلله على كل شيء".