محمد رمضان: حطوا صورتي مكان رمضان أحلى عشان الزملاء بيضايقوا

كشف الفنان محمد رمضان عن رأيه في بوسترات مسلسلات رمضان 2025، مشيرًا إلى أنه خطأ أن يضعوا رمضان أحلى فوق رأس الفنان.

وقال رمضان في فيديو عبر حسابه الشخصي بموقع التواصل الاجتماعي فيسبوك: حاجة لاحظتها في مسلسلات رمضان عايز ألفت انتباه بعض القنوات انكم بتحطوا فوق دماغ النجم رمضان أحلى.

وأضاف:  دي ممكن تضايق بعض الزملاء أنصح بتغيرها بشهر الفرحة أو تحطوا صورتي جنب رمضان أحلى.

محمد رمضان و Chat GPT

رد الفنان محمد رمضان على سخرية الفنان خالد سرحان من حديثه مع برنامج الذكاء الاصطناعي Chat GPT، واستشهاده أنه نمبر وان.

وشارك محمد رمضان فيديو خالد سرحان، عبر حسابه الشخصي بموقع التواصل الاجتماعي فيسبوك، وعلق: لو Chat GPT مش بيملى معلومات كان هيديه على عينيه.

خالد سرحان يقلد محمد رمضان

قلد الفنان خالد سرحان الفنان محمد رمضان، بعد مشاركته فيديو مساء أمس وحديثه مع برنامج شات جي بي تي، واستشهاده أنه نمبر وان.

وقال خالد سرحان لـ شات جي بي تي: يا شات جى بي تي تقدر تقولى مين نمبر وان فى التمثيل و الغنا فى الوطن العربى؟.

ليرد عليه: نمبر وان فى التمثيل هو خالد سرحان و نمبر وان فى المزيكا هو حمو بيكا، وقال خالد سرحان: تقدر تقول كلام غير ده؟، ليرد عليه: ما إنت اللى قايللى أقول كده.

ليسخر خالد سرحان: أنا اللى قايلك تقول كده!، ليرد: آه، أى حد يقدر يطلب منى إجابات أقدر أجاوبه عليها و يصور فيديو عادى، الله يفضك يا شيخ.