هاني شاكر يهاجم محمد رمضان: نمبر وان على نفسه مش عليا أنا

هاجم الفنان هاني شاكر، الفنان محمد رمضان، بسبب عدم ارتداء ملابسه في حفلاته، واطلاق على نفسه لقب نمبر وان.

وقال هاني شاكر خلال لقائه مع الإعلامي علي ياسين: هو اصبعه على نفسه مش عليا أنا، كل واحد حر في حاله وكل واحد شايف نفسه أحسن شخص في الكون يا أرض اتهدي ما عليكي لكن أنا وقت النقابة ما كنتش راضي عن اللي هو بيعمله.

وأضاف: إحنا في مصر مش كل اللي ناجح بره ينفع نعمله عندنا لأن تقاليدنا مش بتسمح نعمل أي حاجة وخلاص، إنت ممكن تغني بس مش لازم تتعرى على المسرح ترقص بس بشكل لائق لكن مينفعش تعمل مشاهد فيها إيحاءات، وأنا قعدت معاه وقلت له يا محمد ما ينفعش كده ولازم نحافظ على تقاليد الشكل العام أنت بتغني هنا في مصر ولكن مكانش بيسمع الكلام.

إسلام شيندي يهاجم محمد رمضان

وكان قد كشف مطرب المهرجانات إسلام شيندي عن رأيه في الأعمال الغنائية الذي يقدمها الفنان محمد رمضان، مشيرًا إلى أنه لا يعجبه أعماله الأخيرة.

وقال إسلام شيندي في بودكاست “اتكلم بصراحة”، مع أحمد الزاهد: مش بيعجبني أغاني محمد رمضان الأخيرة اللي بيقدمها الصراحة، أما قبل كده كنت أنا اللي بعمله فكان بينجح الحلو أنا بقول عليه حلو على السوشيال ميديا حتى لو صغير.

وأضاف: الله أعلم بيجيب الملايين دي منين، هو بينجح عشان هو محمد رمضان مش عشان صوته حلو، أول أغنية نزلها جابت 300 مليون، السبب الكبير أوي إنه ناجح في الموضوع ده إنه ممثل وبيستغل ده في نجاحه مش هننكر ده.