شيماء سيف:"لو مكنتش فنانة هطلع لايفات مش هفرق حاجة عن أم خالد"

حلت الفنانة شيماء سيف ضيفةً على برنامج "في البوكس 2" الذي يبث على منصة "يوتيوب"، في أجواء مرحة تحدثت خلاله عن مواقف طريفة بخفة دمها المعروفة، وعن طريقة التي تستخدمها فى التقليح.

شيماء سيف في التلقيح مش بتتوصى
 

قالت شيماء سيف، إنها لا تحب أن تكتم أي شيء في قلبها، وأضافت أنها لو لم تكن فنانة، لكانت ظهرت في "لايفات" وردت على أي أحد يزعجها.

وأشارت إلى أنها لا تسكت عمّا يثير استياءها، لكن كونها معروفة، فإنها تلجأ للأغاني التي تعبر عمّا تود أن تقوله عوضاً عن ذلك، ولو لم تكن كذلك لفعلت مثل أم خالد.

فى السياق ذاته، تحدثت عن الفنانة يسرا وطريقة تعاملها مع زوجها قالت، إنها تحاول أن تتعلم منها كيفية التعامل مع زوجها، وأضافت: "في يوم في اللوكيشن عندنا فيه الدنيا بايظة، الأوردر اتضرب زي ما بنقول ومش عارفين نصور، وهي طبعاً بطلة العمل يعني أكتر واحدة متدايقة، وقتها كارتر اتصل عليا، فبرد عليه ازاي، أيوة يا كارتر والنبي سيبني دلوقتي عشان اليوم أسود ومنيل وأنا مش قادرة أتكلم، مع السلامة عشان أنا قاعدة مع يسرا بحاول أهديها".

وتابعت حديثها بالقول: يسرا بقى قاعدة بجد متعصبة وعمالها تقول يا جماعة شوفولي حل في الموضوع ده، وفجأة موبايلها يرن، خالد يتصل، فهي تقول هاي دارلينغ، آه يا حبيبي، فطرت، أي لوف يو، أي لوف يو مور، أوك بيبي هخلص وأروح علطول. أنت في السخنة؟ طيب باي يا حبيبي. وترجع فتجيبولي بقى الناس وتشوفوا هنظبط الحلقة دي ازاي،دي فنانة قديرة أنا كومبارس جنبها مليش علاقة باللي هي بتعمله ده.