إنجي علاء تدافع عن مي فاروق: سيبوا الناس في حالها افرحوا لبعض

دافعت المؤلفة إنجي علاء، عن الفنانة مي فاروق والفنان محمد العمروسي، بعد الانتقادات الأخيرة بسبب زواجهما، مشيرة إلى أنه لا يجوز لأي شخص التدخل في حياة أحد.

وكتبت إنجي علاء عبر حسابها الشخصي بموقع التواصل الاجتماعي فيسبوك: اتنين اتجوزوا وبيفرحوا.. ليه التجريح؟ عمروسي فنان محترم مكافح اشتغلت معاه كتير ويستاهل يفرح ومي فنانة جميلة ومحترمة ربنا يسعدهم ويسعد اولاد مي الحلوين دول.

وأضافت: ياريت الناس تسيب الناس في حالها محدش عارف التاني ظروفه ايه.. افرحوا لبعض والله مش دايمة لحد والكلمة الجارحة حسابها مش هين.

مي فاروق ترد على منتقديها

وكانت قد أعربت الفنانة مي فاروق عن اسيتائها الشديد بسبب انتقاد العديد من الجمهور لحفل زفافها، مشيرة إلى أنها لم تهتم بتلك الانتقادات.

وقالت مي فاروق خلال مداخلة هاتفية أمس مع الإعلامي عمرو أديب: قررت تتجوز زي اي انسانة اي المشكلة إنها تتجوز على سنة الله ورسولة قدام الناس كلها اي المشكلة مش عارف.

مي فاروق ترد على منتقديها

وواصلت: أنا اتجوزت بس معملتش حاجة يا جماعة وكل الفنانين كانوا مبسوطين والناس كانت فرحانة ليا.. وعمريما كان عندي أعداء في الحياة الحمد لله وعلاقتي بالناس طيبة.

وأضافت: ليه مقولش إني بتجوز قدام الدنيا كلها طول الوقت بعمل حاجتي مظبوطة، قعدت 6 سنين أم مسؤولة عن  ولادي لوحدي كنت عايزة اتبسط وولادي يفرحوا معايا ايه المشكلة إني أعلن، الناس بدأت تحلل نظرة ابني بيا وبنتي لو بنتي مضايقة مكنتش جت، أنا مش بحب حد يعرف حاجة عن حياتي الشخصية.

وعن احتفال أبنائها معها، قالت: ولادي نمرة واحد في حياتي وطول ما هما كانوا عايزين جوازي يبقى لازم أفرحهم، أنا طول ما برضي جوزي وولادي مفيش حاجة خالص