شهيرة ترد على منتقدي زواج مي فاروق: حرام عليكم سيبوها تفرح

أعربت الفنانة شهيرة عن استيائها الشديد بسبب هجوم العديد من الجمهور على الفنانة مي فاروق وزوجها الفنان محمد العمروسي.

وكتبت شهيرة عبر حسابها الشخصي بموقع التواصل الاجتماعي فيسبوك: السلام عليكم ورحمه الله وبركاته بألقي السلام عليكم في الأول لأن نفسي يبقي فيه بينا سلام  أيوه سلام نفسي بين الناس وبعضها⚘️ وبين الناس المتنمرين والشتامين للفنانين بالأخص.

شهيرة ترد على منتقدي مي فاروق

وأضافت: هو أنتم ايه مشكلتكم ؟!! تطاول عمال علي بطال وبدون سبب ؟؟والتدخل في حياتنا الشخصيه بدون وجه حق نفسي من فتره طويله أتكلم في الموضوع إلي أن وجدت الفرصه الذهبيه اللي حمستني وأستفزتني وهو فرح الجميله مي فاروق.

وواصلت: ايه الجرم اللي عملته  عشان عايزه تفرح  هي وعريسها ⚘️ مالكم أنتم  تعمل فرح ولا متعملش ولادها فرحانين ولا مش فرحانين مالكم  أنتم   ,اوصياء عليهم  ايه الرخامه دي هو أنتم  عايزين تلطشوا  فينا  عشان نفسيتكم تستريح  طيب ماتروحوا لدكتور نفسي  يريحكم ⚘️ وهيلاقي حل اكيد لكميه    الحقد والغل  والسواد اللي مالي قلوبكم طيب أنتوا بتقولوا أحنا مابنخفش من ربنا   ماشي  خافوا   أنتم منه   وأتقوا الله في لسانكم هتعملوا أيه يوم الحساب ؟!! يللي بتعرفوا ربنا   طيب  الحديث اللي بيقول ( هل يكب الناس  في النار علي وجوههم إلا حصائد ألسنتهم ).

حفل زفاف مي فاروق والعمروسي

وأختتمت شهيرة قائلة:  ايه موقفكم من الكلام ده ياللي بتعرفوا ربنا  هتتشدوا كده  من لسانكم  علي النار   بسبب تطاولكم وجرحكم  لناس معملوش حاجه غير  انهم اتجوزوا  علي سنه الله ورسوله   وأعلنوا   عن زواجهم  ⚘️ طريقتهم    مش عجبتكم   انتوا  مالكم  ماكل واحد حر في حياته   يحتفل ويفرح   براحته  عيب والله تضايقوا ناس فرحانه  وتقرفوهم كده  الست ياعيني في مداخله مستغربه  من ردود أفعال المتنمرين والشتامين   المهم  الناس دي   لو شافوا  فنان في اي مكان  يجروا وراه بالمشوار  ممكن صوره ممكن سلفي⚘️ أيه التناقض العجيب ده   والله دايما أقول  بيحبوا  الفن والفنانين لدرجه الكره( الكراهيه ) بأدعي لربنا أن الناس دي  تروح تتعالج  مش كلام بجد والله لأن حسابكم بعد كده عسير  وبتاخدوا  برضه مننا  دعوات حلوه عايزه أهني مي والعمروسي بزفافهم  وبليلتهم اللي كانت أكتر من رائعه بروحكم الحلوه  وحب كل الموجودين لكم   يارب العمر كله بالسعاده والهناء والسلام عليكم انهي البوست بتاعي  بألقاء السلام عليكم لكي يعم السلام والمحبه بين الناس.