إيناس عز الدين تنجو من أزمة قلبية مفاجأة

أعلنت الفنانة إيناس عز الدين عن تعرضها لأزمة قلبية مفاجأة، وذلك من خلال منشور لها عبر حسابها الشخصي بموقع التواصل الاجتماعي فيسبوك.

وكتبت إيناس عز الدين: ربنا وحده اللي نجاني الفجر من جلطة بالقلب والحمد لله إني انتبهت إنها بداية جلطة ولحقت نفسي الزعل بيعتصر القلب والروح.

وأضافت: قلبي تعبان بزيادة بقاله فترة من ساعة وفاة أمي وبيزداد سوء وكمان مكالمة تليفون جتلي قلبت عليا وجع ومرار عمر بحاله دخلت في نوبة انهيار بعدها وأغمى عليا وأحمد وأسماء فوقوني لقيت كأن قلبي متشنكل ولساني تقيل وبتأتأ أحمد قام أداني ريڤو فوقني شوية بسيطة.

حالة إيناس عز الدين الصحية

وواصلت: بس لقيت نغزة شديدة في قلبي مع احساس بتقل وطبقة في صدري و ضهري و تجشؤات كتيرررررر ورا بعض وألم في ذراعي الأيسر بالكامل كأنه عليه وزن ١٠٠٠ كيلو و ألم في كتفي اليمين برقبتي حاولت أتجاهل الألم ده كله ولبست ونزلت روحت شغلي وانا مش عارفة اتنفس حتى وأنا في الشغل على آخره لقيت الأكسجين بيتسحب من دماغي وقلبي تأكدت إني داخلة على جلطة وجرينا على المستشفى والحمد لله ربنا اللي أنقذني كالعادة علشان جوزي وعلشان أختي اللي مالهاش غيري في الدنيا بحالها بعد موت ماما وماليش غيرها..إنه لستر ولطف من الله".