زينة تكشف بدايتها الفنية: طلعت في السينما زي الصاروخ وعملت بطولات مطلقة وأنا عندي 20 سنة

كشفت الفنانة زينة عن تفاصيل بدايتها الفنية وعن نيتها خلال العام المقبل 2025، مشيرة إلى أنها خاضت البطولة المطلقة في سن الـ 20، ووقفت أمام نور الشريف ويحيى الفخراني في سن صغير.

وقالت زينة في تصريحات تلفزيونية: من بداية السنة الجاية مش هاكون جنب الحيطة تاني خلاص الحمد لله، المكانة اللي وصلتلها وأنا صغيرة مقدرتهاش وقتها، استهترت بيها مكملتش ومهتمتش بشغلي قوي، بس مش ندمانة خالص، بتعب من أول وجديد واحنا اتخلقنا عشان نشقى ونتعب

وأضافت: لأ أسهل من آه بكتير عندي، لإن لأ بقولها وخلاص بندم شوية بعدها لكن الآه بتخليني أندم قوي، مثلا دخلت فيلم طلع الفيلم ده الناس فيه صعبة والسيناريو وحش والفيلم مش حلو، آه دي بقى كانت فين لأ، بندم قوي وأزعل طول الوقت، كل ما يتعرض أزعل وكل ما أشوفه أزعل، بيبقى ندمها وحش قوي وأنا بتعب نفسيا الصراحة.

أعمال زينة فى السينما

فى سياق آخر تنتظر الفنانة زينة، عرض فيلم “الدشاش”، بطولة محمد سعد، من المنتظر عرضه 1 يناير 2025، فى جميع السينمات المصرية، من بطولة محمد سعد، زينة، باسم سمرة، نسرين طافش، نسرين أمين، مصطفي أبو سريع، محمد جمعه، وليد فواز، رشوان توفيق، محمد يوسف أوزو، عفاف مصطفى وعدد آخر من الفنانين، والفيلم من تأليف جوزيف فوزى وإخراج سامح عبد العزيز.

أبطال مسلسل العتاولة 

الجدير بالذكر أن زينة شاركت فى السباق الرمضاني الماضي من خلال مسلسل “العتاولة” ، بطولة أحمد السقا، وطارق لطفي، وباسم سمرة، وزينة، ومي كساب، وفريدة سيف النصر، ومحمد التاجي، وهدي الأتربي، ومصطفى أبوسريع، وميمي جمال، ومريم الجندي، وغيرهم. والمسلسل من تأليف هشام هلال، وإخراج أحمد خالد موسى