زينة:"ولادي لا يشعران بفقدان الأب"

تحدثت الفنانة زينة عن فقدان أولادها شعور الأب، مشيرة أنهم لا يعرفان مدى أهميته لأنهما لم يجربا هذا الإحساس من قبل، مضيفة أنها امرأة قوية لأنها تقوم بدور الأم والأب معا، ذلك خلال لقائها فى أحد تصريحات تليفزيونية.

زينة عن معاملتها مع أولادها

وقالت الفنانة زينة:"ولادي مش مفتقدين الأب لأن اللي مجربش حاجة معينة مش هيشعر بـ فقدها ومش حاسين بأهميته.. وبشوف إني قوية عشان بسد خانة الأب والأم، ولو رايحة مكان وقالولي لاء متروحيش بسمع كلامهم عشان معنديش أغلى منهم".

زينة عن فقدانها لـ والدها

وفي سياق آخر، عبرت زينة عن حزنها الشديد بعد فقدان والدها، قائلة: أي حد عاوز يقرب مني بيعمل نفسه زي بابا من كتر حبي له، وأنا كنت بتخدع بـ ده كتير، ومش قادرة أتعامل مع موضوع وفاة والدي لحد دلوقتي بالرغم من أنه اتوفى من كتير أوي، ودايمًا بفتكر له كل حاجة حلوة، وهو كان حنين وعلشان كدة تعبت أوي بعدها ولحد دلوقتي بحتاجه، وروحي مبقتش زي ما هي، عمره ما ضربني ولا حرمني من حاجة، أنا كنت بخاف أغلط عشان مزعلوش، ومستغربة أني لسه مكملة، وكل الحب ده بطلعوا في أولادي لأن الحب اللي جواك كله بيطلع.

جدير بالذكر أن عمرو دياب هو من اقترح على زينة اسمها الفني، معلقة: اخترت اسم زينة بسبب عمرو دياب، هو اللى اقترح عليا الاسم دا يكون اسمي الفني، بس أنا اسمي وسام، وبالنسبالي اسم وسام ده اسم خاص أوي بعيلتي وصحابي، وبابا كان بيحبه أوي.