"كان يحاول يمنع شاليمار بـ أي شكل.. أول تعليق من خالد يوسف على قضية عمر زهران

خرج المخرج خالد يوسف، ورد على اتهام المخرج عمر زهران، بسرقة مجوهرات شاليمار الشربتلي زوجته، التي تصدرت الرأي العام الفترة الماضية، ذلك من خلال حسابه الشخصي بموقع التواصل الاجتماعي الفيسبوك.

 أول تعليق من خالد يوسف على قضية عمر زهران 

قال المخرج خالد يوسف في فيديو له على حسابه الشخصي بموقع التواصل الاجتماعي الفيسبوك:"أنا طالع النهاردة بعد امتناعي فترة طويلة جدا من امتناعي عن التعليق على قضية عمر زهران واتهامه بسرقة مصوغات ذهبية وألماظ من زوجتي، برغم كل اللي اتقال فضلت أني أصمت تماما لغاية ما يحكم القضاء ويقول كلمته، في النهاية في قضاء ونيابة وبوليس توجهنا ليه ومعملناش حاجة خطأ.. احنا اتسرقنا وتوجهنا للبوليس والبوليس ودانا النيابة واتاخدت أقوالنا.. وفجأة اديرت حملة ضدنا كأن احنا اللي ارتكبنا السرقة.. احنا مجني علينا.. وفوجئنا بحملة شديدة الإجرام طالتنا".

أضاف:"لما اتسرقت الحاجات حققوا مع عمر والمحاسب عشان هما دول اللي معاهم المفتاح وسألوهم أسئلة عادية ومتوصلتش المباحث لتحديد من هو الفاعل.. لغاية ما فوجئنا من شهور بسيطة قالولها أن القضية اتحفظت عشان احنا معرفناش نجيب الفاعل.. وقررت تفتح القضية تاني.. وفي الفترة دي عمر زهران بدأ يتوتر وبدأ يحاول يلاقي مبررات كتير لعدم فتح القضية ولما فتحتها تاني بدأ يمنعها بأي شكل من أنها تمشي في القضية ولما فشلت جهوده قالها الحاجات دي موجودة فى الشقة تعالي ندور كويس يمكن نلاقيها".

خالد يوسف يكشف مفاجآة جديدة فى قضية عمر زهران 

تابع خالد يوسف:"شاليمار قالتلي أنا مندهشة من إصراره.. عمر ارتبك وحاول يخليكي مكملش في القضية ودلوقتي قالي تعالي ندور في الشقة.. وبالفعل خدته وراحت وجابلها واحد اسمه عنتر قالها دا راجل مبروك وبيعرف يدور كويس وهيطلع الحاجة.. راحت معاه اربع خمس مرات.. وكل مرة راحت معاه كان بيطلع حاجة من المجوهرات.. ولما اتقبض على عنتر فيما بعد قال أنا كنت بدور بالساعة وبالساعتين في الأوضة وبعدين يدخل عمر زهران ويقولي دور في الحتة دي فلاقي الحاجة فيها".

خالد يوسف يتخذ الاجراءات القانونية ضد منتقديه

اختتم خالد يوسف الحديث، مؤكدا، أنه سيتخذ الإجراءات القانونية ضد من تعرض له بالسب:"وأنا توجهت للجهات المسئولة وتقدمت ببلاغات ضد بعض اللي وجهوا ليا الاتهامات وأساءوا ليا قصفا وسبا وتشهيرا وطعنا في الأعراض.. ومن النهاردة مش ناوي أسكت.. أنا سكت كتير جدا على كل الحملات الممنهجة ضدي.