شعبان عبد الرحيم في ذكرى وفاته: الموت بتاع ربنا مش بخاف منه

يحل اليوم الثلاثاء ذكرى وفاة الفنان شعبان عبد الرحيم الذي رحل عن عالمنا بعد وعكة صحية، وترك في قلوب محبيه حزنًا واسعًا.

وكان من المعروف عن الفنان شعبان عبد الرحيم أنه لا يخشى الموت، وفي تصريح سابق قال: “مش بكون خايف وأنا رايح المستشفي، لأن بكون رايح وأنا على رجلي لما بتعب عشان أخد جلسات أكسجين وأخرج تاني”.

وأضاف: "لما أكون داخل المستشفى على رجلي، على أمل إني هخرج كمان كام ساعة، فجأة لاقتهم بيحجزوني في نفس اليوم، وطلعت على العناية المركزة وقعدت فيها 15 يوم".

وواصل: “الموت بتاع ربنا مش بخاف منه، ده أنا بفكر فيه كأني هموت بكرة، مش خايف من الموت، ده الموت بتاع ربنا، ياريت الواحد يموت دلوقتي، من كتر البلاوي اللي الواحد بيشوفها، والتخبيط اللي بيحصل في الدنيا،وكلنا هنموت.. كل واحد له يوم.. أبويا وأمي ومراتي ماتوا.. مش خايف من لقاء ربنا أبدًا”.

تغيير اسم ابن شعبان عبد الرحيم

وكان قد أعلن عدوية نجل الفنان الراحلشعبان عبد الرحيمتغيير اسمه نهائيًا، بسبب هجوم الجمهور عليه بأنهم السبب في انتشار العديد من التريندات السلبية في الفترة الأخيرة.

وكتبعدويةعبر حسابه الشخصي بموقع فيسبوك:يعني هو كل حاجة تحصل يقولو ولاد شعبان ؟؟،أنا قررت اغير اسمي من انهاردة، أنا حسام قاسم الحقيقي ومعنديش استعداد انزل من نفسي ومن قمتي.

وأضاف: قيمةأبويا كل يوم الناس تقولي اخوك عمل مع عامل النظافة اخوك عمل مع وحدة حركات مش كويسة احنا اكبر من كدة واسم ابويا استحالة يتبهدل ب الطريقة دي انا ياجدعان اسمي حسام قاسم عبدالرحيم ياريت بقي الباقي يحترم اسم شعبان عبدالرحيم وتعملو حاجة تشرف عشان احنا عندنا عيال كبيرة بلاش خيابه.