رامي صبرى يعلن انتهاء أزمته مع ويجز: أخويا الصغير وأنا مسامحه

أعلن الفنان رامى صبرى عن انتهاء أزمته مع مطرب الراب ويجز، وجاء ذلك فى رده على منشور الشاعر تامر حسين  الذى دعم فيه صبرى مشيداً بموهبته ومكانته وسط نجوم الغناء.

كتب تامر حسين منشور على حسابه الشخصي بموقع التواصل الاجتماعي الفيسبوك موجها حديثه لـ رامي صبري، "شهادتي فيك مجروحة أنت صوت عبقري مش محتاج رأيي وخطواتك ما شاء الله لطريق النجاح بتكبر وتزيد وكل سنة عندك هيت ناجح ومكسر الدنيا ولسة شايف ترتيب أنغامي أنت رقم ٢ في الاستماع بعد الهضبة ألبوم مكانك وفي الصدارة".

وتابع:"تصريح مش موفق مِن ويجز رغم إن شفت له أكتر من لقاء كان راجل مُثقف ومُهذب جايز يكون واخد على خاطره  أو فِهم كلامك غلط، إنما الأرقام اللى قالها مش أرقامك ولا الطريقة مُناسبة وأنت الكبير يا روما.. ويجز لو يعرف إنت أول واحد باعتلى أغنية البخت وبتقولى الراجل ده عنده حاجه مختلفة  مكنش هيزعل كده دي شهادة حق والله".

ورد رامي صبري على تامر حسين وكتب:"حبيبي تامر حسين الشاعر الكبير العظيم شكرا علي كلامك الجميل اللي زيك.. ويجز أخويا الصغير وأنا مسامحه وحصل خير".

الجدير بالذكر أن الموضوع بدأ بظهور المطرب رامي صبري في أحد اللقاءات التليفزيونية ليرد على سؤال من المذيعة عن رأيه فى أغانى المهرجانات والراب، ليرد المطرب بشكل ساخر على أغاني المهرجانات ويصف أغاني الراب وبالتحديد أغاني "ويجز" بأنه مش بيفهم كلماتها، قائلاً "أنا مش بفهم كلامه ولحد دلوقتي مش بفهم، والشباب دي ناجحة من أول ما نزلوا، ولازم الناس تسمع أجيال تانية من الموسيقى".