"اللي بيعملوه مش بتاعنا".. نجوي فؤاد تهاجم الجيل الجديد من الراقـصات

كشفت الفنانة نجوي فؤاد، عن رأيها في الرقصات الجدد، مشيرة، أنهم لم يجيدون الرقص ومايقوموا به من حركات بعيدة تماما عن الرقص الشرقي، مؤكده، أن دينا آخر راقصة،في تصريحات تليفزيونية خلال على برنامج قعدة ستات، الذى تقدمه الإعلامية مروة صبري ، المذاع على قناة ألفا.

وقالت :دينا آخر العنقود في الراقصات، كنت أنا وفيفي عبده ودينا، وأنا دلوقتي سيبت الرقص، وأنا مشفتش حد من الراقصات الجداد الأجانب في مصر، ولا عندي استعداد أشوف حد منهم، أنا ممكن أقوم أضربها وهي عريانة كده، إزاي تبقى عريانة كده؟.

وتابعت نجوى فؤاد:"اللي الراقصات الجداد بيعملوه مش بتاعنا مينفعش يبقوا عريانين كده، والحركات اللي بيعملوها مالهاش علاقة بالرقص، الرقص ما هو إلا مشاعر بتطلع من الإنسان، وترجمة للغنوة".

 
وكانت قد تحدثت نجوى فؤاد عن بداياتها في الرقص، فقالت في تصريحات تليفزيونية سابقة: هربت من أبويا وأنا عندي 13 سنة عشان كان عايز يجوزني وروحت القاهرة، روحت مكان اشتغل فيه وأما اتعرفت على المدير قالي انتي بتعرفي ترقصي وأما رقصتله قالي انتي قنبلة، وأول بدلة أجرتها كانت من نعمة فؤاد وكانت بربع جنيه.

وأكدت: أنا بدأت الرقص من هنا وربنا قال وفتحنا لك فتحا مبينا.. اداني نجاح أكثر مما استحق واداني حب الناس.

هذا وكانت قد تحدثت نجوى فؤاد عن القرآن، قائلة: قراءة القرآن بتعلمك تاريخ بلدك وحاجات مخدتهاش في الجامعة.. ولازم كل خميس احط الطرحة واقرأ ساعتين قرآن واصلي ركعتين لله.