كريمة عوض: مستشفى الناس طاقة نور بتكبر وهتضلل على مصر كلها بالخير

زارت الإعلامية كريمة عوض، مستشفى الناس الخيري لعلاج أمراض القلب والجهاز الهضمى والسكرى بالمجان، في إطار سلسلة من الزيارات التي يقوم بها المشاهير ونجوم المجتمع إلى المستشفى لتقديم الدعم النفسي والمعنوي للمرضى والمشاركة في التوعية بالخدمات الطبية التي تقدمها المستشفى.

تفقدت الإعلامية كريمة عوض، خلال الزيارة، غرف الأطفال المرضي، وتعرفت على الخدمات الطبية المقدمة لهم، كما التقت عدد من الأطفال في العيادات الخارجية الذين حضروا مع أولياء أمورهم سواء للمتابعة بعد العملية أو للكشف ضمن الإجراءات الخاصة بتحديد ما يحتاجه كل طفل من إجراءات علاجية أو جراحية حسب كل حالة.

وتضمنت زيارة الإعلامية كريمة عوض، جولة للتعرف على جميع أقسام المستشفى بما في ذلك الصيدلية والمطبخ والمغسلة وغيرها من الأقسام التي تتعلق جميعها بتقديم أفضل خدمة ورعاية للأطفال أثناء رحلة علاجهم داخل المستشفى.

بدورها، قالت الاعلامية كريمة عوض، في كلمتها عقب الجولة: «عارفة إن معظم الناس تعبانة من الأخبار السياسية والاقتصادية اللي بنسمعها، لكن أنا هقولكم على حاجة مبهجة تفرح القلب بجد، اللي عايز يطمن على مصر بجد، لازم يفتح قلبه وهو داخل مستشفي الناس، لأن مستشفي الناس هي قلب مصر مش قلب الناس».

أضافت: «تقريبا في بقعة نور بتكبر مع الوقت مع كل أيد تتمد ليها، ومن دواعي سروري وفخري ومن قلبي وأنا بكلمكم إن كل قسم في مستشفي الناس اتبني بمحبة وإيمان إن مصر تقدر يكون ولادها ايد واحدة، علشان كده قدروا يكبروها دور ورا دور وركن ورا ركن».

وتابعت: «مستشفى الناس بدأ باعتبارها مستشفى للقلب ودلوقتي انضم ليها أقسام كتير زي الجهاز الهضمي اللي بدأ يستقبل حالات وقريب هتسمعوا عن أقسام جديدة»، وأضافت: «عندي غرام من الأطفال اللي شوفتهم الضحكة ماليه وشهم والمستشفى فتحت ليهم باقة نور».

استطردت: «مستوي النظافة عالي، هنا بيهتموا بأدق التفاصيل هما عارفين بيعملوا ايه ويقدموها لمين، كمان عارفين إن كل تفصيلة صغيرة تفرق في حياة الناس هنا، واعتقد المستوي اللي شوفته النهاردة مش أقل من المستوي اللي بيتقدم في أعظم المستشفيات بالعالم، مستشفي الناس فخر ليا أنا كريمة عوض، وفخورة أنها موجودة على أرض مصر».

أضافت: «كل ده معمول بفضل مجهودكم انتوا سواء كل جهة متبرعة أو مؤسسة شيدت، وكل شخص اتبرع في مستشفي الناس يفتح فرصة جديدة ان طاقة النور دي تكبر أكتر واكتر لحد ما تبقي مظلة كبيرة تضلل على مصر كلها بالخير».

اختتمت حديثها: «سعيدة باللي شوفته النهاردة وسعيدة بأيديكم اللي اتمدت وهكون أسعد بكل أيد تتمد لتكبير بقعة النور دي، وشكرا لمستشفى الناس على دعوتها ليا النهاردة وشكرا اني كنت معاكم.. شكرا إن أنا بقول شهادتي من قلبي ليكم انتوا كمان».

والجدير بالذكر أن مستشفى الناس تعد مستشفى خيري وتقدم جميع خدماتها بالمجان وتبلغ مساحتها 30 ألف متر مربع تتضمن 7 أدوار، بطاقة استيعابية 600 سرير، و10 غرف للعمليات، و140 وحدة رعاية مركزة، و4 وحدات قسطرة قلبية، و48 عيادة خارجية. وقد تم افتتاح المستشفى عام 2019، وتم مناظرة أكتر من 20 ألف حالة من خلال العيادات الخارجية للمستشفى، بالإضافة إلى إجراء أكثر من 7000 عملية حتى الآن.

ويمكن التبرع لمستشفى الناس الخيري للأطفال من خلال الاتصال على الخط الساخن 16441، والانتظار لحين وصول مندوب المستشفى إلى المنزل، إضافة إلى التبرع من جميع البنوك المصرية على حساب رقم 16441 باسم مؤسسة الجود الخيرية – مستشفى الناس، أو عبر الموقع الالكتروني الرسمي للمستشفى https://alnas-hospital.com/donate-now أو من خلال إرسال رسالة تتضمن كلمة "طفل" على رقم 9797، أو منافذ فورى كود رقم 9145، إضافة إلى امكانية التبرع عن طريق شركات الدفع (instapay - أمان - مصاري - OPay- الأهلي ممكن).