انفوجراف| "جواز أه عيال لأ" .. 4 فنانات يرفضن الإنجاب خوفا من المسؤولية

حلت الفنانة الشابة آية سماحة ضيفة على برنامج "أسرار النجوم"، الذي تقدمه الإعلامية إنجي علي عبر راديو "نجوم FM"، حيث تحدثت عن الأسباب التي جعلتها تتعرض لأغرب شائعة في حياتها، كاشفة عن سبب تأجيلها لقرار الإنجاب،مشيرة، أنها طلع عليّ إشاعة إن أنا حامل، أنا اتعشيت أسبوع جامد، اتعشيت لازنيا وسكلوب ست أو سبع مرات، دا اللي تخني بس بخسهم بسرعة جدا".

تابعت: "قرار الإنجاب مؤجل بالنسبة لي، خايفة جدا، مسئولية مش كل حد مؤهل ليها خالص، ممكن أجي الحياة وأمشي وأنا معملتهاش ودا مش تقصير مني، هي فكرة إن كل واحد قادر يعمل دا ولا لأ، ولحد دلوقتي حاسة إنه لأ،هذه الخطوة لها تحضيرات كثيرة جدًا، لازم أبقى واقفة على أرض صلبة، مش الخطوة التالية بعد الزواج هي الإنجاب، ولازم أبقى فاهمة البني آدم دا أنا هديله إيه، هل أنا مبسوطة ولا لأ، هو هيبقى تمام ولا لأ، معرفش كلها أسئلة صعبة يعني مقدرش أجاوب عليها دلوقتي فقولت لأ مش هعمل كده".

لم تكن آية سماحة الوحيدة التي كانت تخاف من الانجاب، في السطور التالية نستعرض لكم عن الفنانات يرفضن الإنجاب:-

-هنادي مهنا 

كشفت الفنانة هنادي مهنا، سر عدم الإنجاب، رغم الزواج منذ عامين، وقالت " بصراحة احنا مأجلين الخلفة شوية لآن أنا أصلا بيبي ولسه صغيره، وإزاي أكون بيبي و أخلف بيبي.. ما ينفعش بيبي يشيل بيبي".

-جلا هشام

بينما رفضت أيضا الفنانة جلا هشام فكرة الإنجاب بشكل مطلق، قالت كلبي بيعيط عشاني لو أنا زعلانة، أنا لو اتعرضت لأزمة صحية فكلبي بيمتنع عن الطعام، واتمنى جوزي يكون زي كلبي، مش عايزة أخلف ولا عايزة أكون أم.

-بسنت شوقي

كما تخاف بسنت شوقي من فكرة الأنجاب، قالت:"بترعب من الموضوع لما بتخليه، بخاف أوي وبشوف فيديوهات على يوتيوب حتى لو كارتون بحس إني مرعوبة".