شيكابالا يرد على منتقدي عبدالله السعيد: الناس إللي بتتكلم علي السن تتفرج علي الآداء ما فيش لاعب زيه

أعرب محمود شيكابالا، نجم وقائد نادي الزمالك، عن سعادته الكبيرة، بتعاقد إدارة القلعة البيضاء مع عبدالله السعيد، صانع ألعاب فريق بيراميدز السابق خلال فترة الانتقالات الشتوية الجارية.

وقال «شيكابالا» في تصريحات تليفزيونية عبر برنامج «جمهور التالتة»، المذاع على قناة «أون تايم سبورت»: «مين اللي مش هينبسط وهيلعب جنبه عبدالله السعيد في فريقه».

وأضاف: «كلنا سعداء بالتعاقد مع لاعب كبير زي عبدالله السعيد ومافيش في مصر غير عبدالله السعيد واحد بس».

وتابع: «التعاقدات الجديدة ممكن تكون موفقة او مش موفقة علي حسب حالة الفريق ككل.. شكلنا إن شاء الله هيبقي مختلف بعد التعاقد مع كواليتي كبير وكويس للفريق».

شيكابالا: أتمنى من جمهور الزمالك الصبر علي الصفقات الجديدة
وأوضح: «أتمنى من جمهور الزمالك الصبر علي الصفقات الجديدة لحين التأقلم مع المدير الفني الجديد والتأقلم داخل نادي الزمالك عموماً».

وأتم: «الناس إللي بتتكلم علي السن تتفرج علي الآداء.. مافيش زي عبدالله السعيد، وعمر الكورة ما كانت بالسن المهم اللاعب يؤدي مهامه داخل ارض الملعب».