شيرين عبد الوهاب لـ شقيقها:"بعتك بأرخص تمن.. ياريتني كنت سمعت كلامك يا غالي"

كشفت الفنانة شيرين عبد الوهاب سبب خلافها مع شقيقها محمد عبد الوهاب، التيي انتشرت خلال الآونة الأخيرة عبر مواقع التواصل الاجتماعي ووسائل الإعلام، كتبت شيرين تدوينة عبر حسابها الرسمي على منصة "إكس".

قالت شيرين عبد الوهاب:"في ناس كتير مش عارفين سبب الزعل مع أخويا؛ عشان في يوم خيّرني بينه وبين اللي كنت متجوزاه،ولأن ربنا أمر الزوجة بطاعة زوجها فأنا قررت إني أرضي ربنا.. بس انت صح، وأنا آسفة على كل حاجة قلتها ليا وأنا معملتش بيها،أنا بعتك بأرخص تمن.. ياريتني كنت سمعت كلامك يا غالي".

ليرد شقيقها بعد ذلك قائلًا:أولًا انتي اختي الكبيرة وامي التانية وانا تحت رجلك مفيش ام واخت كبيرة تتأسف لابنها انا تحت رجلك وانتي تاج راسي انا بس بعدت عشان اصون كرامتي والمشاكل مكنتش مشاكلك انتي كانت مشاكل حد ثاني جمبك الله يسهله المهم عندي انك توقفي علي رجلك وتكسرى الوطن العربي كله كعادتك وانتي بالفعل كسرتي الارض ربنا يحفظك ويحفظ بناتك.

ومن ناحية أخرى تعرضت شيرين عبدالوهاب خلال الفترة السابقة للعديد من الأزمات ومنها حذف العديد من الأغاني التي طرحتها مؤخرًا علي كل منصات السوشيال ميديا، ومنها بتمنى أنساك وأحبك ليه غيرها الكثير.