"كل اللي نبرتوا عليه اتســرق".. الإعلامية بسمة وهبة تكشف تفاصيل ســرقة أحمد سعد بعد حفل زفاف نجلها

كشفت الإعلامية بسمة وهبة عن تعرض الفنان أحمد سعد للسرقة ذلك، بعد حضوره حفل زفاف نجلها في إيطاليا.

قالت بسمة وهبة في تصريحات تليفزيونية:"في حد عارف أن دا أحمد سعد وأن الشنطة دي فيها إيه أو مراقبه، لأن دي الشنطة اللي فيها ساعات أوديمار وساعات تانية وفيها العُقد اللي الناس كلها قعدت تتكلم عليه".

علقت بسمة وهبة عل تعليقات الجمهور حول إطلالات أحمد سعد في حفل زفاف نجلها:"أنا مبعتبرش أن دا نقد أنا بعتبر أن دا حسد ، لما أقول لحد إيه اللي إنتي لابساه ده فظيع أنا حسدتك كده أنا مستكتراه عليكي، هو دا الحسد إني بستكتر النعمة عليكي، ارتاحو أحمد سعد كل اللي إنتوا حسدتوه اتسرق".

في سياق آخر، أعلن الفنان أحمد سعد عودته لطليقته علياء بسيوني، من جديد أثناء حفلته في الساحل الشمالي، ذلك بعد إعلان طلاقهم في وقت سابق.

نشر أحمد سعد منشور على حسابها الشخصي بموقع التواصل الاجتماعي تبادل الصور والفيديوهات الانستجرام، قائلا فيه:"أنا كنت متجوز من سنتين وعندي عيلين ومراتي بقت خطبتي دلوقتي،احنا قررنا قرار أنا حبيت اقولوا ادامكم، إن إحنا نعمل فترة خطوبة وهزمكم في الفرح ان شاء الله".

في سياق آخر، نشرت بسمة وهبة صور من كواليس حفل زفاف نجلها عبر حسابها الشخصي بموقع التواصل الاجتماعي تبادل الصور والفيديوهات الانستجرام، وظهر خلاله أحمد سعد وعلياء بسيوني معًا في أول ظهور لهما بعد عودتهما.

وعلقت بسمة: «إيه يا أحمد وعلياء، الناس الحلوة دي سكر، نورتوا الفرح وأحمد مطرب الوطن العربي الأول، شكرًا».

الجدير بالذكر أن علياء بسيوني لمحت بعودتها إلي طليقها أحمد سعد من خلال منشور نشرته على صفحتها الرسمية بموقع الصور الشهير انستجرام: «كل سنة وإنت أطيب وألذ واحد في الدنيا ..كل سنة وإنت أحلى حاجة في حياتنا ..كل سنة وإنت طيب يا حمادة».