مروة صبري تهاجم مها أحمد بعد تصريحاتها الأخيرة: "اقطعوا عنها النت"
![مروة صبري تهاجم مها أحمد بعد تصريحاتها الأخيرة: "اقطعوا عنها النت" مروة صبري تهاجم مها أحمد بعد تصريحاتها الأخيرة: "اقطعوا عنها النت"](https://media.besraha.com/2024/9/large/27631884065927202409110242534253.jpg)
علقت الإعلامية مروة صبري، على تصريحات الفنانة مها أحمد الماضية خلال برنامجها "قعدة ستات" بسبب تواجدها بشكل مستمر على تطبيق "تيك توك" وانتقادها من قبل جمهورها ومتابعيها.
حيث طالبت الإعلامية مروة صبري بقطع الإنترنت عن الفنانة مها أحمد كوسيلة للتوقف عن تصرفاتها التي اعتبرتها مسيئة.
مروة صبري عن تصريحات مها أحمد: اقطعوا عنها النت
وقالت مروة، ببرنامجها "قعدة ستات": "افصلوا النت يا جماعة عن مها أحمد، لأن مها مبقتش خطر على نفسها دي بقت خطر على الجمهور كمان، ومش دول الجمهور اللي انتي بتحبيهم ومش قبل كده لما الناس طلعت تهاجمك وتقولك بتطلعي ليه على التيك توك قولتي محدش يتكلم، طب انتي طالعة على متابعينك بتهزقيهم ليه؟".
وأضافت: "سيبي اللي عايز حاجة يقولها، ودي أذواق، وفي ناس مبسوطة بوجودك على اللايف من وجهة نظرهم يعني هم أحرار وفي ناس متضايقة وناس شايفة انك قيمة فنية كبيرة، وحتى لو هتردي عليهم قولي لهم يا جماعة انا مش لاقية شغل إنما لا تتلفظي بألفاظ".
![مروة صبري تنفعل على الهواء: لا تعتادوا المشهد - موقع العاصمة](https://elasimah.com/uploads/images/2023/11/image_750x_6553acb2a6edc.jpg)
مها أحمد: أنا جبلة مش بيحوق فيّا تنمر
وكانت الفنانة مها أحمد، قد وجهت رسالة لمتابعيها عبر السوشيال ميديا بعد تعرضها للتنمر، مؤكدة أنها لن تقبل العلاج على نفقة الدولة، ونشرت مها، مقطع فيديو ، عبر حسابها على "تيك توك" قالت فيه: "أنا جبلة مش بيحوق فيا أي تنمر، وباخد برشام التناحة، وبسف على السفافين وأتمزج وأحب أطلعهم على المسرح".
وتابعت: "شغلي على التيك توك وعلى أي برنامج مش هسيبه طول ما فيه فلوس مش هسيبه لأنك مش هتنفعيني يا عين أمك".
واستكملت مها أحمد: "مش هينفع أروح أتعالج على نفقة الدولة مع إني فنانة ومن حقي، بس ساعتها هتتنمروا وتقولوا دي بتاخد دواء الغلابة وأنا مش عايزة أخد دواء الغلابة.. عايزة أعالج نفسي بنفسي".
![أنا جبلة.. مبيحوقش فيا أي تنمر](https://on-msr.com/wp-content/uploads/2024/09/173-173658-actress-maha-ahmed-tik-tok_700x400-1.jpg)