«بحس الأغنياء إن هما أذكياء».. أحمد سعد يثير الجدل من جديد في حفلة في الساحل الشمالي

أثار الفنان أحمد سعد الجدل من جديد، على السوشيال ميديا، ذلك بعدما إلقاء التحية على جمهوره في حفلة بالساحل الشمالي.

قال أحمد سعد:«مساء الخير على الناس الحلوة، مساء الخير على الناس اللذيذة، مساء الخير على الناس المتشيكة، مساء الخير على الناس الأغنياء».

ثم أضاف أحمد سعد:«أنا بحب الأغنياء قوي يا جدعان. بحس إن هما أذكياء. صح ولا إيه؟».

وبدأ الجمهور في تداول الفيديو موجهين انتقادات مروعة للفنان أحمد سعد، حيث كتب أحدهم: "بس هما اغبياء في حاجة واحدة بس، انهم بيسمعوك وواقفين الواقفة دي لواحد غبي"، وكتب الآخر: "هو مافيش نهاية للهطل ده".

وكتب أحد الجمهور أيضا: أحمد سعد من على المسرح في مدينه العلمين الجديده : أنا بحب الناس الأغنياء أوي يا جدعان تحسّ إنهم أذكياء ، دا إحنا بقينا مكروهين وأغبياء للدرجه دي يا حماده.

وقال أحد المتابعين: المطرب احمد سعد طالع في حفلة بيقول الناس اللي هناك انا بحبكم علشان انتم أغنياء ..وانا بحب الأغنياء علشان هما اذكياء وعرفوا يعملوا فلوس كتير، ومن يومين ظهرت بنت في المستشفي بتدافع عن محمد فؤاد وواضح انها رايحه تلبسه في الحيط ..فقالت احنا مش من العامة علشان نتعامل كده احنا مشاهير ولينا معاملة خاصة وهنعلمكم الادب ..ومن يومين برضوا ظهر عيل مخبي وشه بقناع واسمه توليت وتم عمل حفلة ليه في العلمين الجديدة ..المنظر لوحده كفيل أنه يقفلك بالقناع اللي لابسه دا غير أن ملوش صوت اصلا ومعتمد علي صوت الذكاء الاصطناعي ..ومع ذلك تم عمل حفله كبيرة ليه.

واختتم: اعتقد أن الأمور كلها خلطبيطة ..وفيه محاولة ل شحن الناس تجاه الأغنياء وتجاه أهل الساحل ..لكن الغريب أن من يقود هذه الحملة هما المشاهير نفسهم اللي هيكون اول المتضرر من صناعة هذه الفجوة وشحن الناس تجاه الأغنياء.

في سياق آخر، طرح أحمد سعد أغنيته الجديدة بعنوان «بنت الناس»  أغنية «بنت ناس»، من كلمات مصطفى حدوتة، ألحان وليد العطار، توزيع إيهاب كلوبيكس، ولم تُعرض الأغنية بطريقة الفيديو كليب.