تامر شلتوت يكشف تفاصيل وعكته الصحية الأخيرة:"ربنا أراد ليا أني أقوم من الجديد"
![تامر شلتوت تامر شلتوت](https://media.besraha.com/2024/8/large/27491651836647202408290846284628.jpg)
كشف الفنان تامر شلتوت عن تفاصيل حالته الصحية، ذلك بعد تعرضه لوعكته الصحية خلال الأيام الماضية، وخضع إثره لـ عملية جراحية داخل أحد المستشفيات بالقاهرة.
نشر تامر شلتوت فيديو له على حسابه الشخصي بموقع التواصل الاجتماعي تبادل الصور والفيديوهات الانستجرام:"ده أول فيديو أصوره بعد ما ربنا أراد ليا أني أقوم من الوعكة الصحية وأنا بشكر كل اللي سأل عليا وكل أصدقائي وزملائي وكل الصحفيين اللي اهتموا يسألوا عليا، الحمد لله ده مرض وابتلاء من الله عز وجل وربنا أراد أنها تعدي على خير.
تابع:"صدقني أنا معرفش إيه اللي حصل ولا كان وضعي إيه، وكل اللي أعرفه أني كنت مع بعض الأصدقاء في زيارة في أمريكا ومكنش في بالي أي حاجة، وفي يوم من الأيام وأنا هناك حصل في رجلي التهاب خفيف جدًا ومعرفش سببه إيه ولا حصل إزاي، ورجعت مصر ومكنش عندي مشاكل وبعدين المنطقة بدأت توجعني وتكبر، رحت مستشفى كبيرة ومحترمة وقابلت دكتور وقالي لازم تعمل أشعة مقطعية وتلفزيونية، وإداني مضاد حيوي".
وأكمل شلتوت: كل ده حصل معايا وأنا تامر شلتوت، يعني مش شخصية عامة ودي مستشفى خاصة، رجعت البيت وخدت المضاد الحيوي ولقيت نفسي نايم 4 أيام مصحتش فيهم، بصيت على نفسي لقيت المكان ورم أكتر وبيوجع جدًا ومش عارف أقف، والمساعد بتاعي وداني لدكتور ومن فضل ربنا عليا أني رحت لدكتور أمين، رحت له الساعة 12 بالليل مش قادر أمشي وبقوله أنا فيا إيه، وكل اللي قالهولي هناخد بنج كلي ولا نصفي، والدكتور ده أنقذ حياتي لأني كنت على المحك.