هجوم حاد من مروة صبري على رانيا يوسف: مين ضحك عليكي وقالك تغني.. الجمهور بيجي له اكتئاب واحنا مش عايزين نشوف استعراضاتك
![مروة صبري ورانيا يوسف مروة صبري ورانيا يوسف](https://media.besraha.com/2024/8/large/1730194219374820240827012001201.jpg)
هاجمت الإعلامية مروة صبري، الفنانة رانيا يوسف بعد طرح أولى أغانيها على طريقة الفيديو كليب بعنوان "ليك"، وذلك عبر برنامجها "قعدة ستات" الذي يعرض على قناة "ألفا اليوم".
مروة صبري تهاجم رانيا يوسف
وخصصت مروة صبري إحدى فقرات برنامجها للحديث عن أغنية الفنانة رانيا يوسف، وهاجمت قرار رانيا يوسف بالاتجاه إلى الغناء، وقالت إن رانيا يوسف ممثلة شاطرة ولكن صوتها "وحش".
وقالت مروة صبري عن كليب رانيا يوسف: "رانيا يوسف طلعت علينا لسه من يومين تلاتة بفيديو كليب، ليه بتغني؟، مين اللي أقنعك وقالك إن صوتك حلو، انتي فنانة شاطرة وممثلة شاطرة ولكن صوتك وحش، بتعملي استعراضات؟، أعتقد أن الجمهور مش مطلوب منه انه يشوف حاجة هو مش عايز يشوفها".
![](https://media.besraha.com/ArticleUpload/2024\8\27\e4e49f51-aa72-489c-9_1730_015451.jpg)
الجمهور بيجي له اكتئاب
واستكملت: "في حد دلوقتي بيتفرج عليا في قمة الاحترام يقولي حضرتك غيري ما تتفرجيش لأ ما احنا بقينا مجبرين دلوقتي، السوشيال ميديا مبقاش فيه ما تتفرجيش، احنا قاعدين بنقلب على فيسبوك ولا على تيك توك ولا انستجرام كل الحاجات دي بتطلعنا، الجمهور بيجي له اكتئاب بقى يا جماعة، ما انتوا برضه ارحموا الجمهور، وأنا واحدة من الجمهور وبتفرج بتغني ليه مين أقنعك ومين ضحك عليكي وكدب عليكي ووقعك في الفخ ده".
![](https://media.filfan.com/NewsPics/FilfanNew/large/516128_0.jpg)
وطرحت رانيا يوسف عبر قناة "لايف ستايلز ستوديوز" بموقع يوتيوب ومنصة أنغامي أول أعمالها الغنائية بعنوان "ليك" بطريقة الفيديو كليب.
أغنية "ليك" من كلمات سمير طارق، وألحان محمد مصطفى، وتوزيع تيام طارق، والكليب من إخراج بتول عرفة.
يذكر أن رانيا يوسف يعرض لها مسلسل "عمر أفندي" عبر منصة "شاهد vip وقناة ON.
ومسلسل "عمر أفندي" يعرض من الأحد إلى الخميس الساعة 4 عصرا عبر منصة "شاهد vip" و 7:30 مساء عبر قناة ON.
مسلسل "عمر أفندي" بطولة أحمد حاتم، رانيا يوسف، آية سماحة، مصطفى أبوسريع، محمد رضوان، ميمي جمال، ومحمود حافظ، والمسلسل من تأليف مصطفى حمدي، وإخراج عبد الرحمن أبوغزالة.