خالد الصاوي يوجه رسالة شديدة اللهجة:"أرتاح لصداقة الكلاب عندهم نخوة من أي من مخلوقات الله"
![خالد الصاوي خالد الصاوي](https://media.besraha.com/2023/8/large/7/6/947.jpg)
وجه الفنان خالد الصاوي، رسالة حادة لأصحاب المصالح، معربا عن غضبه الشديد منهم.
نشر خالد الصاوي، مقطع فيديو له برفقه كلابه الخاصة، عبر حسابه الشخصي بموقع التواصل الاجتماعي تبادل الصور والفيديوهات الانستجرام.
معلقا عليه:"دول اعرفهم من كام سنة بس وبيرحبوا بيا كده ومش عاوزين مصلحة، بينما الناس دكها ودكهم ودولم عشرة عشرين وثلاثين سنة وأتصل لعرض مشروع او طلب صغير بعشم السنين فميردوش أو يردوا ويقولوا بكرة نخلصها ويدوبوا! وفجأة أصحى بعد شهرين على حد منهم اتصل عشر مرات وكلم مكتبي وبيتي ًبل وبيت أمي وياخدني بالصوت ويعتب عليا عشان مش بسأل".
وتابع خالد الصاوي:"كلابي بتاكل معايا ودولا بيحاولوا دايمًا يأكلوا آخر دفعة مني، كلابي بتعملي هيصة لو سمعت صوتي جي من التليفون أو أخش الكمباوند، بس دولم بيغيروا أرقامهم لما تخلص حاجتي من ستي وما يفكروش يبعتلولي الجديدة، كلابي بتكتئب وتنام جنبي ورديات وتمسح دمعي وأنا نايم لما بكون حزين أو عيان أو مشقوط بين إنتاج مش بيدفع وضرايب ما بترحمش.. أما دوكهم فرغم العشرة والأحضان والتلزيق لكن في ظهري بياخدوا صف خصومي وهم عارفين أن خطيئتي الكبرى بالنسبة لهم ولأسيادهم أن دمي حر لا أقبل إهانة من أي حد مهما كان حجمه".
أضاف:"كلابي زيي بتشتبك مع أي كلب يفكر يبلطج وساعات أخش معاهم وأدي المغرور صاحب العدو نصيبه، وأروح البيت مع كلابي، عيالي آخر هيبرة وهيس رغم الكدمات والخدوش واثقين في إخلاصنا لبعض وعزة نفسنا، مستعدين للي بعده، وتمر لحظة شجن يعدي طيف ميكي حبيب قلبي اللي كان الأقل حجمًا بس الأشرس، وهو الذكر القائد على أربعة من فصيلته وثلاثة بلدي.
اختتم خالد الصاوي حديثها:"الآن أرتاح لصداقة اللي عندهم نخوة من أي من مخلوقات الله، ولم أعد أطيق من ولدوا أحرارًا فزحفوا بحريتهم الأخيرة صوب معبد الذهب وعبودية الأنانية والندالة وعبادة الفلاتر والمؤثرات ومكياج الترند".