كارمن سليمان: أنغام اختارتني أقدم سيرتها الذاتية.. وهى من أوائل الناس اللي شجعتني وبتدعمني جدًا

كشفت المطربة كارمن سليمان، عن تفاصيل ميني ألبومها الجديد بعنوان«حبايب قلبي»، بجانب الكشف عن رغبتها في عمل دويتو مع الفنان تامر حسني، وتعليقها على اختيار أنغام لها لتجسيد سيرتها الذاتية.

كارمن سليمان: أنغام اختارتني أقدم سيرتها الذاتية

و قالت كارمن سليمان،في تصريحات لرنامج «نجمك مع يارا»، المذاع عبر شاشة قناة «هي»:«علمنا ميني ألبوم حبايب قلبي بحب أوي أنا وعزيز الشافعي ومصطفى جاد، واشتغلنا عليه بكل حاجة جوانا، وكنا مبسوطين جدًا بالفكرة اللي جت أصلًا من عند عزيز، وعزيز فعلًا كان مديني أحسن حاجة عنده».

وأضافت: «ألبوم حبايب قلبي كله من كلمات عزيز الشافعي، ما عدا أغنية حرام معلش دي كلمات منة القيعي، وأنا بحب الأغنية دي جدًا وهي مناصرة لـ الستات على الرجالة، وبقالي كتير أوي مغنتش الطريقة دي، وهتحيز للبنات لأننا أحلى حاجة في الدنيا وأي حاجة من غيرنا وحشة».

و تابعت:«أنغام من أوائل الناس اللي شجعتني وبتدعمني جدًا، وأنا بحبها جدًا على المستوى الفني والشخصي، وفكرة أن أنا أعمل السيرة الذاتية ليها دي حاجة كبيرة، ومش عارفة هقدر أعمل ده ولا لأ، بس متأكدة أن لو اتعرض عليا ده لازم أشتغل عليه جدًا لأنه مش سهل».

كارمن سليمان: نفسي أعمل دويتو مع ويجز وتامر حسني

و ختمت: «بحب تامر حسني جدًا، وبحب كل اللي بيعمله ودايمًا ببقى متابعة كل حاجة بينزلها، ونفسي أعمل دويتو معاه، وبرضو نفسي أعمل دويتو مع ويجز، هو موهوب جدًا ومن الناس المهمة جدًا في مصر والوطن العربي».