لايف بصراحة| "بالكلبشات وسط حراسة مكثفة".. لحظة وصول مطرب المهرجانات عصام صاصا للمحاكمة

تنظر محكمة جنوب القاهرة، اليوم، ثاني جلسات محاكمة مطرب المهرجانات عصام صاصا، لاتهامه بدهس شاب، بعد القبض عليه في مطار القاهرة أثناء عودته من الإمارات.

أقوال عصام صاصا في قضية حادث الدائري

وقال عصام صاصا خلال التحقيقات معه في قضية حادث الطريق الدائري وتعاطي المواد المخدرة، إنه لم يقصد قتـ ـل المجني عليه، أثناء قيادته سيارته على الطريق الدائري منكرًا قيادته بسرعة مُرتفعة.

وأضاف مطرب المهرجانات عصام صاصا، “اللي حصل أنا كنت شغال في المعادي في مكان وخلصت شغل واتحركت على الساعة 4.30 الصبح وأنا ماشي على الدائري مروح البيت وعند بنزينة موبيل اللي قبل طالعة وصلة المريوطية كان في عربيتين على شمالي مش شايف منهم ولقيته مرة واحدة قدامي ومعرفتش أروح في أي حتة خبطته ولقيت الأزاز والكبوت في وشي وبعدها وقفت والناس اتلمت وعرفت انه مات”.

واستكمل عصام صاصا:  "أن الحادث وقع بتاريخ 6 مايو 2024 الساعة 5.15 الصبح، وأنه كان يقود السيارة بمفرده، وأن تلك السيارة ملكه وقام بشرائها قبل الحادث بـ 5 أشهر، وأنه شاهد المجني عليه يعبر الطريق فجأة أمامه، أثناء قيادته السيارة على سرعة 70 كم/س مشيرا إلى أن الطريق لم يكن فيه سيارات كثيرة ولكن هناك عربية نقل وأخرى ملاكي بجواره.

فيديو عصام صاصا في الامارات 

ومن جانبه، نشر مطرب المهرجانات عصام صاصا ، عبر صفحته الرسمية على موقع التواصل الاجتماعي "فيسبوك"، فيديو له من دبي ، وذلك بعد قرار نزوله الى مصر بسبب الملاحقة القضائية ضده بسبب دهس شاب على الطريق الدائري.

وقال عصام صاصا خلال الفيديو: أنا دلوقتي نازل بلدي وممكن يكون  الفيديو ده أخر فيديو ليه، وعاوز أتكلم معاكم في حاجات مهمة، ممكن تجرى لي حاجة، وممكن أتاخد في المطار، أنا عاوز أفهم الناس ايه اللي حصل معي بالظبط علشان الناس مش فاهمة حاجة.

وأضاف عصام صاصا: "أنا كنت راجع من شغلي رايح أجيب ابني أعمله عقيقة أفرح بيه، وأنا راجع في نص الدائري بالظبط ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش من اليمين".