"أنا محتاج دعمكم".. عصام صاصا يودع جمهوره قبل القبض عليه

دخل مطرب المهرجانات عصام صاصا، في حالة من البكاء، أثناء توجيه رسالة لجمهوره، قبل عودته إلي القاهرة بسبب حادث السير الشهيرة التي تسبب في دهس أحد الأشخاص وتسبب في وفاته.

نشر عصام صاصا الفيديو له عبر حسابه الرسمي بموقع التواصل الاجتماعى «انستجرام»، وظهر خلاله قائلا: «دلوقتي نازل بلدي وممكن يكون هذا الفيديو أخر فيديو ليه، وعاوز أتكلم معاكم في حاجات مهمة، ممكن تجرى لي حاجة، وممكن أتاخد في المطار، أنا عاوز أفهم الناس ايه اللي حصل معي بالظبط علشان الناس مش فاهمة حاجة، كنت راجع من شغلي رايح أجيب ابني أعمله عقيقة أفرح بيه، وأنا راجع في نص الدائري بالظبط ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش من اليمين».

واختتم عصام صاصا حديثه: أنا محتاج دعمكم وتفضلوا جنبي، وأنا راضي بقضاء ربنا وواثق في القضاء المصري.

وقال الدفاع: «أنا كده كده هجيبه للمحكمة لكن باطلب رفع قرار الضبط والإحضار»، وقال رئيس المحكمة: «المادة 384 من قانون الإجراءات بتقول إنه يجوز للمحكمة الحكم فى غياب المتهم فى حالة عدم حضوره ويجوز لها أن تؤجل الدعوى وتأمر بإعادة تكليفه بالحضور، والمحكمة لها استخدام حقوقها القانونية فى هذا الشأن».

وأثبتت زوجة المجنى عليه أمام المحكمة تنازلها عن اتهام عصام صاصا بالقتل الخطأ لزوجها الراحل، بمحض إرادتها، عنها وعن أولادها الأربعة، بصفتها الوصية عليهم لكون جميعهم قصر لم يبلغوا السن القانونية.

عقدت الجلسة برئاسة المستشار الدكتور محمد أحمد الجنزورى، وعضوية المستشارين محمد أنور وبهاء محمد

ووجهت النيابة للمتهم تهمة القتل الخطأ للمجنى عليه أحمد مفتاح، سائق، والقيادة تحت تأثير المخدر بعد ثبوت إيجابية تحليل المخدرات الذى أجرته له النيابة بمعرفة الطب الشرعى لتحيله للمحاكمة بتلك الاتهامات.

وحسب الدفاع، فإن المتهم متواجد خارج البلاد عقب مغادرته عبر المطار بعد قرار إخلاء سبيل بكفالة 30 ألف جنيه، قبل صدور قرار بضبطه وإحضاره على خلفية ورود تقرير الطب الشرعى الذى أفاد بتعاطيه المواد المخدرة.