قبل أيام من محاكمته عصام صاصا:«أدعوك أن لا تغلبني هذه الدنيا»

نشر عصام صاصا رسالة له على حسابه الشخصي بموقع التواصل الاجتماعي تبادل الصور والفيديوهات الانستجرام.

قال عصام صاصا في:"أنا في انتظار النهايات السعيدة التي عشت دهرًا أبحث عنها، أتخيلها وأحلم بها، يا رب.. أدعوك أن لا تغلبني هذه الدنيا،أكثر وأنا الذي لا حول لي بها ولا قوة وما يزكيني هو يقيني بأنني عبدك ولن
تُضيعني أبدا".

في سياق آخر،وجهت جهاد أحمد زوجة عصام صاصا، على دعمه، بعد أزمته الأخيرة وهي اتهامه بتزوير، وقبلها دهس شخص.

نشرت جهاد، صورة تجمعها بزوجها عصام صاصا، على استوري عبر موقع التواصل الاجتماعي تبادل الصور والفيديوهات الإنستجرام، وكتبت: الحمد لله على نعمة الإيمان بقضاء ربنا، الحمد لله إننا متصالحين مع نفسنا قدام ربنا، إنك تبقى بريء قدام ربنا أحسن من أنك تبقى بريء قدام الناس، الحمد لله إن كل يوم بيعدي بتأكد أن إيماني بـ ربنا كبير رغم الوحش اللي فيا.

وقال مدير أعمال عصام صاصا خلال تحقيقات النيابة في قضية التزوير، “اللي حصل إن عصام صاصا اتصل بيا يوم ما عمل الحادثة وبعدها روحت له مكان الحادثة وروحت معاه قسم الطالبية وقعدت معاه الفترة اللي كان موجود فيها في القسم والنيابة، وساعتها كان معاه محامية وأخدت مني فلوس الكفالة 30 ألف جنيه وأخدت اتعابها وعصام قالي إنها أخدت منه فلوس تاني”.

وتابع مدير أعمال عصام صاصا،  أن فيه محامي كبير اسمه محمد حمودة وكان عنده قضية زي دي والمتهم أخد فيها براءة، وساعتها العيلة كلها كانت متجمعة وأصحابنا كلهم كانوا بيتناقشوا في موضوع المحامية وعصام قالي اتفق مع محمد حمودة أنا بقولك هو اللي هيمسك القضية، وساعتها قال للمحامية كدة وحصلت بينهم مشادة وساعتها عرفت أنه لغى التوكيل اللي كان عاملة ليها.

واستكمل مدير أعمال عصام صاصا، خلال التحقيقات “بعدها عصام كان عنده حفلة بعد الحادثة بـ 3 أيام وسافرنا أنا وهو وسارة خليفة وحمو بيكا واسلام ساسو وجهاد مراته ومحمد أخو سارة وركبنا طيارة واحدة وسافرنا دبي وأنا في دبي عرفت من عصام أن محمد أخوه ومحمود الليثي وسيد الصعيدي راحوا للمحامي واتفقوا معاه وأن الليثي دفع مليون جنيه ومحمد أخو عصام دفع المليون التانية”.