«كان بيودعني وانا مش فاهمة».. إنجي علاء تكشف عن تفاصيل آخر لقاء لها مع حسام شوقي

كشفت السيناريست إنجي علاء عن آخر لقاء بينها وبين المنتج حسام شوقي، الذي رحل عن عالمنا يوم الخميس الماضي آثر تعرضه إلي حادث سير على طريق الضبعة أثناء ذهبه إلي الساحل الشمالي برفقة أصدقائه فتحي إسماعيل ومحمود كمال وتامر فتحي الذين توفوا أيضا.

نشرت إنجي صورة لها برفقة حسام شوقي، على حسابها الشخصي بموقع التواصل الاجتماعي تبادل الصور والفيديوهات الانستجرام، معلقا عليها:«بحاول مافكرش من ساعة اللي حصل واهرب بأي طريقة من الواقع المرعب ده.. لسة مش قادرة استوعب،اخر مرة قابلت حسام لقيت فتحي قبلها ربنا يرحمه ويحسن إليه بيكلمني بيقولي على الميعاد».

تابعت:«استغربت لاني عارفة ان حسام وقتها كان مشغول ومسافر وكنا هنتقابل اما يرجع المهم حسام قالي انا جيتلك في النص المكتب مخصوص بسرعة ولازم اسافر على طول وكانت مقابلة كلها اخبار مش كويسة وكانت حالتي النفسية ملخبطة والشغل وقصصه.. حسام كان مبتسم وهادي زيادة.. زي ما يكون في دنيا تانية.. كان في حاجة غريبة فيه وفكلامه مافهمتهاش وقتها.. فهمتها دلوقتي.. فهمت كنت عايز تقول ايه يا حسام».

أضافت:«انا كنت عاملة زي الطفلة اللي كبرت في مكان وهي مش حاسة، سنين شغل وشقى وفرح وعمره مازعل مني لما كنت اتضايق واتعصب عشان عارف قد ايه بحب الشغل وبخاف عليه،اليوم ده كان عايز يقولي ان الطفلة كبرت خلاص وانها لازم هتكمل لوحدها.. كان بيحاول يعرفني اكمل ازاي».
 

اختتمت إنجي علاء حديثها:«طلع كان بيودعني وانا مش فاهمة..والله ما هنسى اللي قلتهولي والله ما هنسى كلامك ونصايحك ياخويا واستاذي وكل حاجة نضيفة وحلوة وأحلى ايام.. مش هنسى اكيد بس يارب اقدر اكمل في الدنيا الصعبة دي.. ربنا يرحمك يا حسام انت وفتحي وتامر ».