«شاط كورة في المحيط».. «معندوش وعي جغرافي»| وصلة هزار بين حازم إمام وميدو بعد قرار عودته للملاعب

علق أحمد حسام ميدو، نجم نادي الزمالك ومنتخب مصر السابق، على تصريحات زميله حازم إمام نجم نادي الزمالك السابق التي اتسمت بالسخرية، بشأن عودة ميدو من الاعتزال.

وكان حازم إمام قد قال في تصريحات تليفزيونية: «ميدو سخن، وطلع بليل قال أنا هرجع ألعب النهاردة اعتقد انه هيعيد حساباته بعد الماتش لازم، ده شاط كورة لسة في المحيط لحد دلوقتي».

ليرد ميدو في تدوينة عبر حسابه على منصة «إكس»: «هو في يا جدعان محيط جنب العلمين ؟ ده أنا لو روبرتو كارلوس مش هوديها المحيط!! كابتن حازم ماعندوش اي وعي جغرافي حتى».

وكان ميدو قد أعلن عن اعتزاله اللعب بشكل نهائي في 11 يونيو 2013، بعد مسيرة حافلة في مصر وأوروبا، لكنه قال في الساعات الماضية، خلال تصريحات فضائية، إنه يعمل على العودة من جديد للدوري المصري في الموسم القادم، وأكد أنه سيعود للمشاركة في البطولة المصرية، عبر أحد الفرق التاريخية.

وقال حازم إمام، في تصريحات تلفزيونية عبر فضائية «أون تايم سبورتس»: «ميدو، تسرع في قراره بالإعلان عن عودته من الاعتزال، ميدو قال القرار امبارح ولعب النهاردة في مباراة نجوم الأهلي والزمالك مع منتخب الأندية في مهرجان العلمين، ميدو لازم يقعد مع نفسه تاني لأن القرار ده لازم يعيد حساباته فيه».

وأضاف: «أنا وميدو، كنا بنتمرن امبارح في الجيم، ووزنه نزل بشكل كبير وأنا قولتله (ياميدو إنت خسيت)، فهو قالي (أنا خاسس أكتر ما كنت بلعب، فأنا قولتله إنت ممكن ترجع تلعب جسمك كويس)».