نجل عمرو أديب يرد على الانتقادات الموجهة لابنة عمه « شعبيتها عند الجيل الصغير يلف عيلتنا كلها في سيجارة»

رد خالد أديب، نجل الإعلامي عمرو أديب، على الانتقادات التي تعرضت له ابنه عمه الفنانة أميرة أديب، على خلفية أغنيتها الجديدة التي طرحتها قبل أيام بعنوان «كارت محروق»، عبر موقع التدوينات القصيرة «إكس».

وقال خالد أديب: «ممكن الواحد لو متابعني من زمان يلاحظ إني تقريباً عمري ما بدافع عن أبويا أو حتى بجيب في سيرته، ودا عشان سواء لتوجهه السياسي، حبه للزمالك، أو أي شيء تاني خلاص هو أنت يا هتحبه يا تكرهه، الراجل شغال بقاله 30 سنة.. إنما جيل عيلتنا الجديد فهم خط أحمر.. محدش فيهم عملكم حاجة، مش هقبل».

وأضاف نجل الإعلامي عمرو أديب، «حابب بس أقول حاجة في حق بنت عمي أميرة أديب عشان شايف كم قرف بيتقال عالبنت. أيوة، حقيقي هي من عيلة كبيرة ودا بيديها امتيازات كثير، وأسهل عليها أنها تعمل شيفت زي ده، بس خلينا نكون واضحين، أميرة دلوقتي شعبيتها عند الجيل الصغير يلف عيلتنا كلها في سيجارة».

وأكمل، «أميرة متحدث رسمي باسم Maybelline اللي هي من أكبر شركات المكياچ في تاريخ البشرية، منزلة لعبة كوتشينة الافتتاح بتاعها حرفياً عمل أزمة في المولات من كم العيال اللي حضرت عشان تشوفها.. البنت لسه معدتش الـ25 سنة، وأنا عن نفسي شايف أنه ده إنجاز مبهر جداً».

وتابع، «ده غير بقى أنها ابتدت براند بتاعها، ومثلت، ودلوقتي نزلت فيديو من إخراجها. الكلام دا مش سهل. ولا أنا ولا أبويا ولا أبوها عندهم القوة الناعمة اللي عندها من قوة وجودها على تيك توك وشعبيتها مع الجيل الصغير.. شايف بقى المزيكا وحشة، تمثيلها وحش. تمام عادي، بس كلمة حق أميرة تستحق نجاحها».

استكمل، «منزلة أغنية عادية جداً مافيهاش اي شيء غريب أو controversial وكله طالع بنغمة (هو إيه بقى كله بقى بيغني وأكيد بابا جايبلك الميكروفون) وبجد البنت مجتهدة بشكل أنا أفتخر أعين واحدة زيها عندي فالشغل". مضيفا: "أميرة مجتهدة ومتفانية للغاية ولا تتوقف أبدًا عن إثارة إعجابي. من الواضح أن الأغنية والحيوية فيها لا تستهدفني ولكن يمكنني أن أرى مدى تفكير كل عنصر واحترام الزحام».